RC PWANI AKEMEA URASIMU KWA BAADHI YA VIONGOZI

MKUU WA MKOA PWANI MHE.ABOUBAKAR KUNENGE

 RC PWANI AKEMEA URASIMU KWA BAADHI YA VIONGOZI

NA VICTOR MASANGU, RUFIJI

MKUU wa Mkoa wa Pwani Mhe. Aboubakar Kunenge amekerwa na madhaifu kwa baadhi ya watendaji kutokuwa na tabia ya ucheleweshwaji wa Pembejeo za kilimo hali ambayo inawakwamisha wakulima kutoweza kufanya shughuli zao za kilimo kwa ufanisi ambao unatakiwa.

Kunenge ametoa kauli hiyo wakati akiendesha  kikao cha wadau wa zao la Ufuta kilichofanyika katika ukumbi wa chuo cha ufundi stadi (FDC) Wilayani Rufiji ambapo kilihudhuriwa na wadau  mbalimbali wa maendeleo pamoja na viongozi wengine wa serikali wa ngazi za Wilaya na Mkoa.

Pia, Mkuu   aliongeza kuwa anasikitishwa sana na kuona baadhi ya watendaji na viongozi wengine kuwa na urasimu na kuwataka wabadilike na kuhakikisha kwamba wanaweka mikakati madhubuti ambayo itawasaidia wakulima hao waweze kulima kilimo chao amabcho kina tija katika Mkoa wa Pwani.

“Kwa kweli  kwa upande wangu nina kerwa sana na madhaifu ambayo yanafanywa na baadhi ya watendaji wetu, jambo hilo sio sawa kabisa hata kidogo na wengine bado wana tabia ya kufanya urasarimu lakini lengo letu sisi ni kuona wakulima wa zao la ufuta kwa kushirikiana na serikali wanalima kilimo chenye tija.”alisema Kunenge.

Kadhalika aliwataka viongozi kuweka mpango kabambe ambao utaweza kuondokana na changamoto ya uhaba wa vifungashio vya ufuta na kwamba ataendelea kuwapa ushirikiano wa kutosha ili waweze kutimiza malengo yao waliyojiwekea.

Pia Kunenge aliongeza kuwa  katika kuwasaidia wakulima wa zao la ufuta kunahitajika ushirikiano madhubuti kutoka kwa wadau mbalimbali wa zao hilo ili kuweza kusimamia zoezi zima la uendeshaji wa  mnada wa kwanza  bila ya kuwa na ucheleweshwaji wowote.

Katika hatua nyingine Mkuu huyo wa Mkoa  aliwataaka wakulima  wote  kulima kilimo chenye Tija, na kuahidi kuwa serikali ya awamu ya sita ipo tayari  kuwasaidia ili waweze kuzalisha kwa kiwango kinachotakiwa na chenye kuleta mafanikio kwa Mkoa.

Kungene katika kikao hicho aliwaagiza Wataalamu mbalimbali wa kilimo pamoja na Ofisi yake  kufanya Tathmini ya zao hilo na kuja na Mkakati  endelevu ambao utaleta matokeo chanya katika suala zima la kukuza kilimo cha zao la ufuta katika Mkoa wa Pwani.