CHONGOLO AWAASA VIONGOZI PWANI KUACHA VIKAO VISIVYO NA TIJA

 

         Katibu Mkuu wa Chama Cha Mapinduzi (CCM) Taifa, Daniel Chongolo

CHONGOLO AWAASA VIONGOZI PWANI KUACHA VIKAO VISIVYO NA TIJA

NA VICTOR MASANGU, KIBAHA

 KATIBU Mkuu wa Chama Cha Mapinduzi (CCM) Taifa, Daniel Chongolo aliwaasa wanachama na viongozi wote wa chama Mkoa wa Pwani kuhakikisha kwamba wanachapa kazi kwa bidii na kuachana na tabia ya kufanya vikao vya visivyo na tija na badala yake wahakikisha wanajadili mambo kwa ajili ya maendeleo kwa wananchi

 

Choholo alitoa rai hiyo wakati alipofanya ziara ya kujitambulisha toka alipoteuliwa kuwa katibu mkuu wa chama cha mapinduzi taifa ikiwa ni hatua ya kuendeleza utekelezaji wa ilani ya chama hicho ya 2020-2025.

 

Alisema kuwa angependa kuona viongozi katika ngazi mbalimbali wanafanyakazi kwa bidii na kuacha tabia ya kuseng’enyana  ikiwa ni hatua ya kusukuma maendeleo ya wananchi ambao wanaimani kubwa na chama cha mapinduzi

 

Aidha,ziara ya katibu Mkuu aliambatana na Sekretarieti ya Chama hicho  kwa ajili ya kuweza kujitambulisha kwa wanachama na viongozi mbalimbali  wakiwemo wakuu wa Wilaya, Wakurugenzi, Wenyeviti wa halmashauri pamoja na viongozi wa ngazi ya Mkoa wa Pwani,ambapo Naibu Katibu Mkuu Bara Christina Mdeme, amezitaka Jumuiya za chama hicho kufanyia kazi maadili ya Vijana.

 

Alisema Jumuiya ya Wazazi, Wanawake na Vijana zinatakiwa kufanya kazi kwa kuzingatia maadili ya Vijana kwa kuwaenzi wazee.

 

Naibu Katibu Mkuu huyo alisema viongozi wa chama hicho wanatakiwa kufanya kazi kwa vitendo na si kwenye televisheni na mitandao ya kijamii.

 

 "Kamati za siasa zitenge muda wa kukagua miradi na kutoa ushauri, lakini pia iwepo siku moja ya kusikiliza kero za Wananchi" alisema Mndeme.

 

Kwa upande wake,Mbunge wa Jimbo la Kibaha mji Silvestry Koka ameahidi kuyatekeleza maagizo yote ambayo yametolewa na Katibu mkuu wa Chama cha mapinduzi (CCM) Taifa Daniel Chongolo ikiwemo kusimamia suala zima na utekelezaji wa ilani ya chama  kwa kuhakikisha anasikiliza kero mbali mbali za wananchi na kuzitafutia ufumbuzi wa haraka ikiwemo kulivalia njuga suala la kukithiri kwa mashamba pori lengo ikiwa ni kuleta chachu ya maendeleo kwa wananchi.

 

Koka alisema kwamba ujio wa Katibu huyo katika Mkoa wa Pwani umeweza kuleta neema zaidi kutokana na maelekezo ambayo yametolewa ya kuwakumbusha viongozi mbalimbali wa chama kuweza kutekeleza majukumu yao ipasavyo na kuchapa kazi kwa bidii ikiwa ni kutekeleza  miradi ya maendeleo ambayo ipo katika ilani ya chama cha mapinduzi.