ROYAL SPLASH YATOA KOMPYUTA TANO KUSAIDIA ELIMU CHALINZE

ROYAL SPLASH YATOA KOMPYUTA TANO KUSAIDIA ELIMU CHALINZE

Na Mwandishi Wetu, Chalinze

Shule ya Sekondari Chalinze, iliyopo katika Halmashauri ya Chalinze, Wilaya ya Bagamoyo, Mkoa wa Pwani, imepokea msaada wa kompyuta mpakato tano kutoka Royal Splash Hotel na Splash Lounge kwa lengo la kusaidia kuboresha mazingira ya ufundishaji na ujifunzaji kwa kutumia teknolojia.

Royal Splash Hotel na Splash Lounge zimetenga asilimia 10 ya mapato yake kwa ajili ya kuchangia miradi ya maendeleo na shughuli za kijamii katika eneo la Chalinze, ikiwa ni sehemu ya mchango wa kampuni hiyo kwa jamii inayozunguka uwekezaji wake.

Alisema kampuni hiyo inatambua umuhimu wa matumizi ya teknolojia katika elimu na imeamua kuanza kwa kutoa kompyuta hizo ili kuwasaidia wanafunzi kupata fursa ya kujifunza kwa kutumia zana za kisasa.

“Tunafurahi kutoa msaada huu kama mdau wa maendeleo wa Chalinze. Tunatambua kuwa mahitaji ya vifaa vya kujifunzia bado ni makubwa, lakini tumeanza na mchango huu ambao tunaamini utawasaidia wanafunzi katika masomo yao. Tutaendelea kuchangia maendeleo ya jamii kulingana na mahitaji yatakayojitokeza,” alisema Michael.

Aliongeza kuwa mkakati wa kampuni hiyo ni kuchangia upatikanaji wa elimu bora kwa vijana wa Chalinze ili kuwawezesha kupata maarifa na ujuzi utakaowasaidia kuendelea na masomo katika vyuo vikuu na kushindana katika soko la ajira ndani na nje ya nchi.

Michael alisema Royal Splash Hotel na Splash Lounge ni sehemu ya uwekezaji unaofanyika katika Halmashauri ya Chalinze, ambapo kampuni hiyo hutoa huduma za malazi, chakula, vinywaji, burudani, kuogelea na michezo mbalimbali ya watoto.

Aidha, alisema uwekezaji huo umetoa ajira kwa vijana 25 kutoka Chalinze na maeneo mengine, hatua ambayo imechangia kupanua fursa za ajira kwa baadhi ya wananchi.

“Tutaendelea kushiriki katika shughuli za maendeleo ya jamii na kutoa ajira kulingana na mahitaji ya shughuli zetu. Tunawaomba wananchi watuunge mkono kwa kutumia huduma zetu ili tuendelee kukua kibiashara na kuchangia maendeleo ya pamoja,” alisema.

Kwa upande wake, Mkuu wa Shule ya Sekondari Chalinze, Mwalimu Melkisedeki Komba, aliushukuru uongozi wa Royal Splash Hotel na Splash Lounge kwa msaada huo, akisema utasaidia kupunguza changamoto ya upungufu wa vifaa vya kufundishia na kujifunzia.

Komba alisema msaada huo ni muhimu katika kipindi ambacho matumizi ya teknolojia yanazidi kuwa sehemu ya mchakato wa utoaji wa elimu, hivyo akabainisha kuwa kompyuta hizo zitatoa fursa kwa wanafunzi kujifunza kwa vitendo na kuongeza uelewa wao wa matumizi ya teknolojia.

“Kwa niaba ya bodi ya shule, walimu na wanafunzi, tunatoa shukrani zetu kwa Royal Splash Hotel na Splash Lounge kwa msaada huu. Kompyuta hizi zitasaidia wanafunzi kujifunza kwa vitendo na kuongeza ujuzi wao wa matumizi ya teknolojia, jambo ambalo ni muhimu katika kujiandaa kwa masomo ya juu na soko la ajira,” alisema Komba.

Naye, kwa niaba ya wanafunzi, wanafunzi wa shule hiyo waliushukuru uongozi wa kampuni hiyo kwa msaada huo, wakisema utawasaidia kupata fursa zaidi za kujifunza kwa kutumia kompyuta.

Royal Splash Hotel na Splash Lounge zimesema zimetenga asilimia 10 ya mapato yake kwa ajili ya kuchangia miradi ya maendeleo na shughuli za kijamii katika eneo la Chalinze.

Kwa mawasiliano na kupata huduma zao, kampuni hiyo inapatikana kupitia namba ya simu 0790 129 503.

Kwa mawasiliano na kupata huduma zao, kampuni hiyo inapatikana kupitia namba ya simu 0790 129 503.

Poor Roads Disrupt Economic Activities and Access to Essential Services 

By Thadei Hafigwa

POOR road infrastructure in Malinyi District, particularly during the rainy season, is disrupting economic activities and making it difficult for residents in some areas to maintain contact with neighboring villages and access essential services.

Residents say deteriorating crossings and impassable roads during periods of heavy rainfall create serious transport challenges, threaten their safety and interfere with their daily livelihoods.

Hamis Bakari, a resident of Mtimbira in Malinyi District, said he and other residents experience difficulties traveling to neighboring villages during the rainy season because some of the existing crossings are dilapidated and pose risks to people using them.

Bakari’s account highlights the challenges facing rural communities that depend on vulnerable crossings and road networks to access markets, healthcare, education and other essential services.

The concerns were also raised by Josephine Kapoma, a Special Seats Member of Parliament representing Morogoro Region, who said poor roads, particularly during the rainy season, cause significant hardship for residents and affect their economic activities.

Speaking to journalists recently, Kapoma said some areas of Malinyi District experience complete disruption of transport links during the rainy season, leaving residents struggling to carry out their daily activities.

She called for improvements to road infrastructure to reduce the difficulties facing communities and enable residents to continue their economic and social activities.

Rural livelihoods at risk

Roads play a vital role in rural development, enabling farmers to transport agricultural produce to markets, traders to distribute goods and residents to reach healthcare facilities, schools and other social services.

However, when roads become impassable due to heavy rainfall, these activities can be disrupted. Transport costs may rise, agricultural produce may take longer to reach markets, and residents may lose valuable opportunities to earn income.

For farmers, delays in transporting produce can lead to financial losses, particularly when perishable goods deteriorate or transportation costs increase. Traders may also experience delays in delivering merchandise, while households may have to spend more time and money reaching essential services.

The situation underscores the importance of investing in infrastructure capable of withstanding heavy rainfall. Such investment includes effective drainage systems, adequately designed culverts and durable bridges constructed to suit local environmental conditions.

Disruptions to transport links during the rainy season can also affect access to healthcare and education, particularly in villages that depend on a limited number of roads and river crossings.

Patients requiring urgent medical attention may struggle to reach health facilities in time, while students may face difficulties attending school when the routes they use become impassable.

Weak or deteriorating river crossings can expose residents to additional risks, especially when water levels rise. These challenges highlight the need for regular safety inspections, timely repairs and clear warnings in areas where crossings may become dangerous during heavy rainfall.

Authorities should identify villages and transport routes that are repeatedly cut off during the rainy season and prioritise them in infrastructure maintenance and development plans.

The concerns raised by residents and Kapoma point to the need for sustained investment in rural transport infrastructure to reduce the impact of seasonal rainfall on communities in Malinyi District.

Potential measures include rehabilitating frequently damaged roads, constructing durable bridges and culverts, improving drainage systems and developing emergency plans for communities that become isolated during heavy rainfall.

Local authorities and the agencies responsible for roads should also provide clear information about the condition of roads and crossings in Malinyi, the areas most affected, available maintenance budgets and planned infrastructure improvements.

For rural residents, reliable roads are not simply a matter of convenience. They are essential for protecting lives, sustaining livelihoods, supporting agricultural trade and ensuring access to basic services.

Addressing these challenges will require long-term planning, adequate resources and infrastructure designed to withstand local weather conditions.

As the rainy season continues to pose challenges for rural transport, the central question remains whether the existing road network and river crossings are sufficiently resilient to keep communities connected and ensure that essential services and economic activities can continue throughout the year.

Morogoro Smallholders Face the Cost of Uncertain Rainfall

Morogoro Smallholders Face the Cost of Uncertain Rainfall

 By Thadei Hafigwa 

SOME small-scale farmers from Mvomero and Morogoro districts have expressed concern over the impact of climate change challenges on their agricultural activities.

Ramadhan Divunyagale, a small-scale rice farmer in Mvomero District, concluded the 2025/2026 farming season with a harvest far below his expectations. He cultivated three acres of rain-fed rice, investing funds in land preparation and agrochemicals. According to his account, he harvested only four bags of rice, each weighing 100 kilograms.

Divunyagale reports spending approximately 1.1 million Shillings on production: 800,000 Shillings for land preparation and 300,000 Shillings for agrochemicals. His total harvest amounted to 400 kilograms of rice. These figures are based on his own account; consequently, further research into this challenge is required.

For a farmer who relies on rainfall rather than irrigation, a season like this can result in consequences far more severe than merely obtaining an unsatisfactory harvest. This situation could jeopardize household food security, income, the ability to repay debts, and the funds needed for the next planting season. The extent of the impact on Divunyagale has not yet been determined.

A similar situation was reported by Shamira Ally, a maize farmer from Kiroka in Morogoro District. She states that she spent 300,000 shillings to cultivate one acre but harvested only 20 kilograms of maize that season. She attributes these poor results to rainfall that fell short of expectations.

The stories of these two farmers raise a question that extends beyond the boundaries of their individual farms.When unpredictable weather destroys a smallholder farmer's investment, who bears the financial cost, and what protections are available?

Their experiences offer an opportunity to examine the challenges and risks facing rain-fed agriculture in the Morogoro region. Their accounts alone are insufficient to prove that climate change was the cause of these losses.

Weather data, field evidence, and independent expert assessments are required to distinguish between impacts caused by seasonal rainfall variations and those resulting from planting timing, crop management, soil conditions, pests, diseases, input quality, and other factors.

When harvests fail to cover investment costs. Preliminary figures indicate that both farmers are facing significant financial challenges.

Divunyagale reports production costs of 1.1 million shillings, while Ally reports costs of 300,000 shillings; thus, their combined reported costs total 1.4 million shillings. The farmers' net income cannot yet be calculated because the prices they received or could have received for their crops remain unknown. The reported crop yields might suggest that the farmers failed to recoup their production costs; however, this conclusion cannot be confirmed without accurate data on prices, sales records, household consumption statistics, and information regarding other farm income or aid received.

For Shamira, 20 kilograms of maize might meet household food needs only to a limited extent, depending on the size of his household and its consumption requirements. For Divunyagale, 400 kilograms of rice from three acres represents a yield of approximately 133 kilograms per acre. These figures are based on data provided by the farmers themselves, rather than yields measured by independent experts.

These losses also highlight the distinction between the direct impacts of a poor agricultural season and its broader economic consequences. A farmer may lose a significant portion of their investment, yet the repercussions can persist well beyond the harvest manifesting as food shortages, the need to borrow money, the sale of household assets, or an inability to purchase agricultural inputs for the next planting season. Further investigation is required to determine whether either of these two farmers experienced such consequences.

Research conducted by Sokoine University of Agriculture (SUA) provides important contextual evidence for understanding the risks facing rain-fed rice farmers; however, it does not specifically substantiate the situation at the Divunyagale farm.

In a recent report published on April 10, 2026, SUA detailed research being conducted by the Tanzania Agricultural Research Institute (TARI) under the "Rice for Africa" ​​project, which focuses on climate-resilient and environmentally friendly rice farming. The initiative's core work involved approximately 258 farmers across eight villages.

According to SUA, rain-fed rice farmers reported that unpredictable rainfall including delayed starts to the rainy season and shorter seasons contributed to water shortages, the need for repeated planting, low yields, and increased production costs. These findings and experiences were reported by the project's participant group; they do not confirm that these same factors caused the losses reported by Divunyagale or Shamira.

The project, led by principal investigator Professor Suzana Nchimbi Msolla, is investigating drought-tolerant rice varieties suitable for local conditions, as well as climate-smart practices such as direct seeding and crop rotation. This study is significant because it documents concerns regarding rainfall uncertainty and explores potential solutions. However, it does not determine the prevalence of these issues across the Morogoro region, nor does it establish a causal link to climate change or ascertain whether the proposed strategies would have prevented the losses reported by the two farmers in question.

This presents an opportunity for the media to conduct investigative reporting on this challenge.

MOROGORO VIJIJINI WAWEKA MKAKATI YA KUKABILIANA NA ATHARI ZA EL NINO

MOROGORO VIJIJINI WAWEKA  MIKAKATI KUKABILIANA NA ATHARI ZA EL NIÑO

Na Thadei Hafigwa

Mkuu wa Wilaya ya Morogoro, Mussa Kilakala, amezitaka Kamati za Usimamizi wa Maafa kuimarisha maandalizi na kuweka mikakati madhubuti ya kukabiliana na athari zinazoweza kusababishwa na mvua kubwa za El Niño zinazotarajiwa kunyesha mwishoni mwa mwaka 2026.

Kilakala ametoa agizo hilo Septemba 7, 2026, wakati akizungumza katika kikao kilichofanyika katika Ukumbi wa Manispaa ya Morogoro, akisisitiza umuhimu wa maandalizi ya mapema ili kupunguza madhara yanayoweza kuwakumba wananchi endapo mvua hizo zitakuwa kubwa.

Amesema maandalizi hayo ni sehemu ya utekelezaji wa maelekezo ya Rais wa Jamhuri ya Muungano wa Tanzania, Mhe. Samia Suluhu Hassan, pamoja na Mpango wa Taifa wa Dharura wa Kukabiliana na Madhara ya El Niño.

Mkuu huyo wa Wilaya amezitaka kamati za maafa katika ngazi mbalimbali kuhakikisha maeneo yote yanayoweza kuwa hatarishi yanabainishwa mapema na wananchi wanaoishi katika maeneo hayo kuhamishwa kwa wakati, kabla ya mvua kubwa kuanza.

Aidha, amesisitiza umuhimu wa kuhakikisha mifumo ya maji, mitaro na njia za kupitisha maji ya mvua inakuwa katika hali nzuri ili kuwezesha maji kupita kwa usalama na hivyo kupunguza uwezekano wa kutokea kwa mafuriko.

Kilakala pia amezitaka mamlaka husika kuimarisha utoaji wa elimu na tahadhari kwa jamii kuhusu namna ya kujikinga na athari za mvua kubwa na mafuriko, huku akisisitiza matumizi ya vyombo vya habari katika kuwafikishia wananchi taarifa za tahadhari kwa wakati.

Vilevile, amewataka wananchi kushiriki kikamilifu katika maandalizi ya kukabiliana na maafa, ikiwa ni pamoja na kuhakikisha nyumba na miundombinu mingine inajengwa kwa kuzingatia usalama na uwezo wa kukabiliana na athari za mafuriko.

Katika hatua nyingine, Mhe. Kilakala amewataka wananchi kuchukua tahadhari dhidi ya milipuko ya magonjwa inayoweza kusababishwa na matumizi ya maji machafu na mazingira yasiyo salama baada ya mvua kubwa na mafuriko.

Amesisitiza pia umuhimu wa familia kujiandaa kwa dharura kwa kuhifadhi chakula na mahitaji muhimu yatakayoweza kusaidia kukabiliana na changamoto zinazoweza kujitokeza wakati wa mvua hizo.

Kwa mujibu wa taarifa ya Mamlaka ya Hali ya Hewa Tanzania (TMA), baadhi ya mikoa nchini ikiwemo Dar es Salaam, Arusha, Tanga, Mwanza, Pwani na Morogoro inahitaji kuimarisha maandalizi na kuchukua tahadhari mapema kutokana na jiografia na uwezekano wa maeneo hayo kuathiriwa na mvua kubwa na mafuriko.

Hatua hizo zinatarajiwa kusaidia kuimarisha utayari wa mamlaka na jamii, kupunguza madhara kwa maisha na mali za wananchi, pamoja na kuhakikisha huduma muhimu zinaendelea kutolewa wakati wa dharura.

SENDIGA AWATAKA WATUMISHI MOROGORO KUSIMAMIA MAJUKUMU, KUSUKUMA MAENDELEO

SENDIGA AWATAKA WATUMISHI MOROGORO KUSIMAMIA MAJUKUMU, KUSUKUMA MAENDELEO

Na.Mwandishi wetu

MKUU wa Mkoa wa Morogoro, Mhe. Queen Cuthbert Sendiga, amewataka watumishi wa umma mkoani humo kusimamia kwa uadilifu na uwajibikaji majukumu yao, ili kuhakikisha shughuli za kiuchumi na miradi ya maendeleo zinafanyika kwa ufanisi na kuwanufaisha wananchi.

Mhe. Sendiga ametoa wito huo Septemba 3, 2026, wakati wa hafla ya makabidhiano ya ofisi kati yake na aliyekuwa Mkuu wa Mkoa wa Morogoro, Mhe. Adam Kighoma Malima, iliyofanyika katika Ukumbi wa Mikutano wa Ofisi ya Mkuu wa Mkoa wa Morogoro.

Mhe. Malima kwa sasa amehamishiwa kuwa Mkuu wa Mkoa wa Lindi, huku Mhe. Sendiga akichukua jukumu la kuongoza Mkoa wa Morogoro.

Akizungumza katika hafla hiyo, Mhe. Sendiga alisema Mkoa wa Morogoro una wilaya saba na halmashauri tisa, huku ukiwa na fursa na shughuli mbalimbali za kiuchumi, zikiwemo kilimo, biashara, utalii, madini pamoja na utekelezaji wa miradi ya miundombinu, hususan barabara.

Alisema mafanikio ya sekta hizo yanahitaji ushirikiano wa karibu kati ya viongozi, watumishi wa umma na wananchi ili kuboresha utoaji wa huduma na kuchochea maendeleo ya kiuchumi na kijamii.

"Kila mtumishi asimame kwenye majukumu yake,” alisema Mhe. Sendiga.

Katika hatua nyingine, Sendiga ameahidi kusimamia utekelezaji wa Ilani ya Chama Cha Mapinduzi (CCM) kwa vitendo, hususan katika utekelezaji na usimamizi wa miradi ya maendeleo, kwa lengo la kuhakikisha wananchi na Taifa kwa ujumla wananufaika.

Aidha, amewaagiza Wakuu wa Wilaya mkoani Morogoro kuhakikisha suala la usafi wa mazingira linasimamiwa kwa umakini kuanzia ngazi ya vitongoji, vijiji, mitaa, kata, tarafa hadi wilaya.

Amesema usafi wa mazingira ni miongoni mwa hatua muhimu za kujikinga na kudhibiti magonjwa ya mlipuko, ikiwemo kipindupindu.

Sendiga pia ameahidi kuendeleza kasi ya utekelezaji wa shughuli za maendeleo zilizokuwa zimeanzishwa na mtangulizi wake, Mhe. Malima, akisisitiza kuwa dhamira yake ni kuhakikisha “kazi inaendelea” kwa manufaa ya wananchi wa Mkoa wa Morogoro.

Kuhusu migogoro ya wakulima na wafugaji, Mkuu huyo wa Mkoa amesema bado kuna changamoto katika baadhi ya maeneo, huku akibainisha kuwa baadhi ya migogoro hiyo inachangiwa na viongozi wasioweka mbele maslahi ya wananchi.

Amesema uongozi wake utaweka mkazo katika kutafuta suluhisho la kudumu kwa migogoro hiyo kwa kushirikisha wadau mbalimbali, ili kuhakikisha amani, usalama na shughuli za uzalishaji zinaendelea bila vikwazo.

Sendiga aliteuliwa kuwa Mkuu wa Mkoa wa Morogoro na Rais wa Jamhuri ya Muungano wa Tanzania, Mhe. Dkt. Samia Suluhu Hassan, Agosti 27, 2026.Kabla ya uteuzi huo, alikuwa Mkuu wa Mkoa wa Manyara.

MWANAMKE MOROGORO MBARONI KWA TUHUMA YA MAUAJII YA MUMEWE

MWANAMKE MOROGORO MBARONI KWA TUHUMA ZA MAUAJI YA MUMEWE

Na Thadei Hafigwa

JESHI la Polisi mkoa wa Morogoro limemtia mbaroni,Mwanamke Jobita Bategeuye Budyo(30) mkazi wa Maafisa,Manispaa ya Morogoro kwa tuhuma ya mauji ya mume Abeli Charles(44) kwa kile kinachodaiwa ni kutokana na mapenzi.

inaelezwa kuwa kabla ya kifo kulitokea kama mabishano ya wanandoa wakati wa maandalizi ya chakula, 

Kutokana na hali hiyo ikasababisha  tukio la kusikitisha baada ya mwanaume mwenye umri wa miaka 44 kupoteza maisha katika mazingira yanayodaiwa kuhusishwa na mgogoro wa kifamilia katika eneo la Mafisa, Manispaa ya Morogoro.

Abeli Charles wakati wa uhai wake,alikuwa. ni mfanyabiashara, huku mtuhumiwa akitajwa kuwa ni fundi cherehani na mkazi wa eneo hilo.

Tukio hilo linadaiwa kutokea usiku wa Agosti 31, 2026, nyumbani kwa wanandoa hao, baada ya mazungumzo yao kubadilika na kuwa mabishano makali yaliyodaiwa kuhusishwa na masuala ya unyumba.

Kwa mujibu wa Kamanda wa Polisi Mkoa wa Morogoro, ACP Andrew Kantimbo, mabishano hayo yaligeuka kuwa ugomvi, ambao baadaye ulipelekea Abeli Charles kupata majeraha makubwa katika maeneo ya shingoni na kichwani na kusababisha kifo chake.

Kamanda Kantimbo amesema, kwa mujibu wa taarifa za awali za uchunguzi, mtuhumiwa anadaiwa kutumia kitu chenye ncha kali kumshambulia na kumjeruhi marehemu, ambaye baadaye alipoteza maisha kutokana na majeraha aliyoyapata.

“Chanzo cha awali cha tukio hilo kinahusishwa na mgogoro wa kifamilia unaodaiwa kuchochewa na masuala ya unyumba,” amesema Kamanda Kantimbo, huku akibainisha kuwa uchunguzi wa kina unaendelea kubaini mazingira yote ya tukio hilo.

Jeshi la Polisi linamshikilia Jovita kwa ajili ya uchunguzi zaidi kabla ya kuchukuliwa hatua nyingine za kisheria kulingana na matokeo ya uchunguzi.

Tukio hilo limeibua tena mjadala kuhusu namna migogoro ya kifamilia inavyoweza kugeuka kuwa matukio ya ukatili pale ambapo wahusika wanashindwa kutumia mazungumzo, uvumilivu na njia nyingine za amani kutatua tofauti zao.

Kamanda Kantimbo ametoa wito kwa wanandoa na familia kwa ujumla kuepuka matumizi ya nguvu katika kushughulikia migogoro, akisisitiza umuhimu wa kutafuta msaada kutoka kwa ndugu, viongozi wa jamii, viongozi wa dini au mamlaka nyingine zinazohusika kabla ya migogoro kufikia hatua ya kuhatarisha maisha.

Aidha, amewataka wananchi kuendelea kushirikiana na Jeshi la Polisi kwa kutoa taarifa kwa wakati kuhusu matukio ya ukatili na viashiria vya migogoro inayoweza kuhatarisha usalama wa watu.

Amesema ushirikiano wa jamii ni muhimu katika kuzuia matukio ya uhalifu na kulinda makundi yaliyo katika mazingira hatarishi, yakiwemo wanawake, watoto, wazee na watu wenye ulemavu. 

TMA YAHADHARISHA MVUA YA EL-NINO

 

Na Mwandishi wetu

Mamlaka ya hali ya hewa imeendelea kutoa tahadhari ikiwataka wananchi kuchukua hatua za mapema kukabiliana na El-Nino ambayo wamekuwa wakiifuatilia kwa ukaribu zaidi ikitajwa kuwa kubwa kati ya zilizowahi kutokea.

Kwa muujibu wa Mkurugenzi Mkuu wa Mamlaka ya Hali ya Hewa Tanzania (TMA), DR. Ladislaus Chang’a, Amesema katika historia baadhi ya El-Nino ambazo zilikuwa na nguvu kubwa ni ya 1982 -1983, 1997-1998, 2015-2016, na 2023-2024 na hii ambayo wanaendelea kuifuatilia 2026 tayari imefikia kiwango cha El Nino yenye nguvu kubwa kuelekea Oktoba itakuwa na nguvu kubwa zaidi.

Ametaja baadhi ya maeneo ambayo yataathirika kupata mvua za juu ya wastani ni pamoja na mikoa ya ukanda wa ziwa Viktoria (Kagera, Geita, Mwanza, Shinyanga, Simiyu, Mara), mvua zikitarajiwa kuanza wiki ya nne ya mwezi septemba.

Ukanda wa nyada za Juu Kaskazini Mashariki (Kilimanjaro, Arusha na Manyara) ametaja kupata mvua za juu ya wastani hadi wastani mvua zikitarajiwa kuanza wiki ya kwanza ya mwezi Oktoba.

Ukanda wa Pwani ya Kaskazini (Tanga, Dar es Salaam, Pwani, Kaskazini mwa mkoa wa Morogoro, visiwa vya Mafia) yatarajiwa kupata mvua za juu ya Wastani hadi wastani).

TANZANIA NA UJERUMANI ZAIMARISHA USHIRIKIANO UHIFADHI WA BIOANUWAO

Tanzania na Ujerumani Zaimarisha Ushirikiano wa Uhifadhi wa Bioanuwai

Na Mwandishi wetu

Katibu Mkuu wa Wizara ya Maliasili na Utalii, Dkt. Hassan Abbasi akiwa na Mwenyekiti Mwenza ambaye ni Mkuu wa Ushirikiano katika Ubalozi wa Ujerumani nchini Tanzania Bi. Julia Kronberg wameongoza Kikao cha 13 cha Kamati ya Uendeshaji Steering Commitee) wa Miradi inayotekelezwa kwa ushirikiano baina ya Serikali ya Ujerumani na Tanzania.

Kikao hicho kimepokea na kujadili  taarifa za utekelezaji wa miradi mbalimbali inayofadhiliwa na serikali ya Ujerumani kupitia Benki ya maendeleo ya Ujerumani (KFW). Miradi hiyo inatekelezwa katika maeneo ya ikolojia za Serengeti, Katavi, Mahale na Selous Nyerere. 

Vilevile kikao hicho kimejadili  masuala mbalimbali yanayolenga kuimarisha ushirikiano kati ya Tanzania na Ujerumani katika uhifadhi wa bioanuwai, usimamizi endelevu wa rasilimali za asili na kulinda mifumo ya ikolojia nchini.

Ushirikiano huo ni sehemu ya juhudi za pamoja za kuhakikisha utajiri wa bioanuwai wa Tanzania unaendelea kulindwa na kutumika kwa manufaa ya vizazi vya sasa na vijavyo.

Kikao hicho kimefanyika leo Septemba 1, 2026 katika Chuo cha Utalii jijini Dar es salaam.

PURA WATOA UFAFANUZI KUHUSU UTAFUTAJI WA MAFUTA, GESI ASILIA

PURA WATOA UFAFANUZI  KUHUSU UTAFUTAJI WA MAFUTA, GESI ASILIA

Na Thadei Hafigwa

WANANCHI mkoani Morogoro wameonyesha shauku kubwa ya kupata taarifa sahihi kuhusu shughuli za utafutaji wa mafuta na gesi asilia nchini, huku wataalamu kutoka Mamlaka ya Udhibiti Mkondo wa Juu wa Petroli (PURA) wakitoa ufafanuzi kuhusu hatua iliyofikiwa katika utafutaji wa rasilimali hizo.

Shauku hiyo imejitokeza wakati wa Tamasha la Nne la Kitaifa la Utamaduni lililofanyika mkoani Morogoro, ambapo wananchi waliotembelea banda la PURA waliuliza maswali kuhusu uwepo wa mafuta nchini, shughuli za utafutaji zinazoendelea na uwezekano wa kuanza uzalishaji wa mafuta iwapo yatathibitishwa kuwepo kwa kiwango kinachoweza kuendelezwa kibiashara.

Baadhi ya wananchi walitaka kufahamu iwapo tayari Tanzania imethibitisha uwepo wa mafuta na ni lini shughuli za uchimbaji zinaweza kuanza.

Akizungumza na waandishi wa habari katika kilele cha tamasha hilo, Mjiolojia kutoka PURA, Lukelo Matimbwi, alisema shughuli za utafutaji wa mafuta bado zinaendelea katika maeneo mbalimbali nchini kwa lengo la kubaini uwepo na kiwango cha rasilimali hiyo.

Matimbwi alisema Tanzania tayari imebaini uwepo wa gesi asilia, huku shughuli za utafutaji wa mafuta zikiendelea kwa kutumia tafiti na teknolojia zinazotumika katika sekta ya petroli.

“Bado kuna tafiti na shughuli za utafutaji zinazoendelea katika maeneo mbalimbali nchini ili kubaini uwepo na kiwango cha rasilimali za mafuta,” alisema Matimbwi.

Alisema hatua za utafutaji zinahitaji tafiti za kitaalamu na tathmini mbalimbali kabla ya kufikia hatua ya kuthibitisha uwepo wa rasilimali inayoweza kuendelezwa.

Matimbwi pia alieleza kuwa PURA inatumia fursa kama tamasha hilo kutoa elimu kwa wananchi kuhusu majukumu yake katika kusimamia na kudhibiti shughuli za mkondo wa juu wa petroli.

Kwa mujibu wa Matimbwi, shughuli hizo zinahusisha mchakato wa utafutaji na uendelezaji wa rasilimali za mafuta na gesi asilia.

CHIFU LUKWELE AIPONGEZA PURA

Kwa upande wake, Chifu Lukwele wa Morogoro amezipongeza taasisi za serikali na wataalamu walioshiriki katika tamasha hilo kwa kutumia jukwaa hilo kutoa elimu kwa wananchi kuhusu huduma zao na tafiti zinazofanyika katika maeneo mbalimbali nchini.

Chifu Lukwele alisema ushiriki wa taasisi hizo ni muhimu kwa sababu unawawezesha wananchi kupata uelewa wa moja kwa moja kuhusu shughuli zinazofanywa na serikali na wataalamu katika sekta mbalimbali.

“Niipongeze sana PURA kwa kuweka banda lao katika tamasha hili, ambapo wananchi wanapata fursa ya kujifunza kuhusu shughuli mbalimbali wanazofanya,” alisema.

Alisema viongozi wa mila na Machifu wataendelea kushirikiana na serikali pamoja na wataalamu na watafiti watakaofika katika maeneo yao kwa ajili ya shughuli za utafiti na maendeleo.

Chifu Lukwele alisisitiza umuhimu wa ushirikiano huo katika kuhakikisha tafiti na shughuli nyingine za maendeleo zinafanyika kwa utaratibu unaozingatia maslahi ya wananchi na uhifadhi wa rasilimali na maliasili za taifa.

WANANCHI WATAKA ELIMU ZAIDI

Kwa upande wao, wananchi waliofika katika banda la PURA walitumia fursa hiyo kuuliza maswali na kupata ufafanuzi kuhusu sekta ya mafuta na gesi asilia.

Maswali yao yalijikita zaidi katika hatua iliyofikiwa katika utafutaji wa mafuta, namna shughuli hizo zinavyosimamiwa na fursa ambazo sekta ya petroli inaweza kuzalisha kwa taifa endapo rasilimali hizo zitagundulika na kuendelezwa kibiashara.

Ushiriki wa PURA katika Tamasha la Nne la Kitaifa la Utamaduni umeongeza nafasi ya wananchi kupata elimu kuhusu sekta ya petroli nje ya majukwaa ya kitaalamu, huku ukitoa fursa kwa wataalamu kujibu maswali na kueleza taratibu zinazotumika katika utafutaji na uendelezaji wa rasilimali za mafuta na gesi asilia.

Tamasha hilo limeendelea kuwa jukwaa la taasisi mbalimbali za serikali na wadau kutoa elimu kwa umma kuhusu huduma, tafiti na fursa zinazohusiana na maendeleo ya taifa.

MACHIFU WASISITIZA KUHIFADHI URITHI WA MTANZANIA

 MACHIFU WASISITIZA KUHIFADHI URITHI WA MTANZANIA

Na Thadei Hafigwa

KATIBU wa Umoja wa Machifu Tanzania, Chifu Aron Nyamironda wa Pili kutoka mkoani Mwanza, amesema kuwa uamuzi wa serikali kwa kuwashirikisha Machifu katika tamasha la utamaduni i na kutambua mchango wao katika kurejesha, kuenzi na kuhifadhi mila na utamaduni wa Mtanzania.

Chifu Nyamironda amebainisha hayo kwa niaba ya wenzake wakati wa hafla ya kufunga tamasha hilo la nne la kitaifa lililofanyika mkoani Morogoro,aliongeza kuwa  moja ya majukumu ya Machifu ni kuhakikisha utamaduni wa Mtanzania unadumishwa na kurithishwa kwa vizazi vilivyopo na vijavyo.

Chifu Nyamironda alisema wamefarijika kuona mwamko mkubwa wa vijana waliojitokeza kushiriki na kushuhudia tamasha hilo, jambo ambalo linaonesha bado kuna nafasi ya kuendeleza mila, desturi na utambulisho wa makabila mbalimbali nchini.

“Miongoni mwa majukumu yetu ni kuikumbusha jamii, kwa vitendo, historia na asili ya Mtanzania, alikotoka na anakokwenda, lakini pia kushiriki katika utunzaji wa maeneo na vitu vya kihistoria kwa ajili ya vizazi vya sasa na vijavyo,” alisema.

Awali, akitoa salamu za Mkoa wa Morogoro, mwakilishi wa Mkuu wa Mkoa, Sebastian Waryuba, alisisitiza umuhimu wa Watanzania kuendelea kutunza amani na kuepuka vitendo vinavyoweza kuhatarisha mshikamano na utulivu wa nchi.

Ramadhan Divunyagale,Mwenyekiti wa Mila na Desturi Mkoa wa Morogoro(SHIWAMILA) amesema kuwa wazee wa Mkoa wa Morogoro watahakikisha ya kuwa maadili kwa vijana na 

MSIGWA: MAADILI NA UTAMADUNI VIKO HATARINI

 MAADILI NA UTAMADUNI VIKO HATARINI

 

Na Thadei Hafigwa

KATIBU Mkuu wa Wizara ya Habari, Utamaduni, Sanaa na Michezo, Gerson Msigwa, amesema Tanzania inakabiliwa na changamoto ya mmomonyoko wa maadili, hali ambayo imeifanya serikali kutoa nafasi kubwa kwa viongozi wa kimila, wakiwemo Machifu, kushiriki katika juhudi za kusimamia na kuenzi maadili na utamaduni wa Mtanzania.

Msigwa, ambaye pia ni Msemaji Mkuu wa Serikali, alisema hayo Agosti 29, 2026, wakati akifunga Tamasha la Nne la Kitaifa la Utamaduni lililofanyika katika Viwanja vya Jamhuri mkoani Morogoro.

Tamasha hilo liliwakutanisha vikundi vya ngoma za asili kutoka mikoa mbalimbali nchini, sambamba na maonesho ya vyakula, mavazi na bidhaa nyingine za asili.

Alisema kasi ya utandawazi na maendeleo ya teknolojia imeleta changamoto katika uhifadhi wa utamaduni wa Tanzania, hivyo kuwepo kwa umuhimu wa jamii, viongozi wa kimila na vyombo vya habari kushirikiana kuhakikisha mila, desturi na maadili mema yanaendelea kuhifadhiwa na kurithishwa kwa vizazi vijavyo.

Msigwa aliwataka waandishi wa habari kutumia taaluma yao katika kukuza na kutangaza utamaduni wa Tanzania, akisisitiza kuwa utamaduni unaweza kuwa chanzo muhimu cha fursa za kiuchumi kwa wananchi.

“Leo hii nchini kwetu kijana mdogo kumtukana mtu mzima inaonekana ni kitu cha kawaida. Mimi ni baba na mtoto wangu wa kwanza ana umri wa miaka 25, lakini cha kusikitisha ni kwamba anashuhudia watoto wadogo wakinitukana mitandaoni,” alisema Msigwa.

Katika kuelezea changamoto za matumizi mabaya ya mitandao ya kijamii, Msigwa alisema hata yeye amewahi kukumbana na taarifa za uongo zilizosambazwa mitandaoni kuhusu familia yake.

Alisema wakati akiwa njiani kuelekea kwenye tamasha hilo alipokea jumbe nyingi za pole baada ya kusambaa kwa taarifa za uongo zilizodai kuwa mama yake amefariki dunia.

“Hata nilipokuwa nakuja hapa nilikuwa napokea pole nyingi kwa sababu kuna watu wameandika mitandaoni kuwa mama yangu amefariki. Nataka niwaambie kuwa mama yangu hajafa, ni mzima wa afya na yupo kijijini Iringa anaendelea na shughuli zake kama kawaida,” alisema.

Msigwa alisema moja ya dhamira ya serikali ni kuhakikisha utamaduni wa Mtanzania unarithiwa na vizazi vya sasa na vijavyo kwa kuwa unafundisha misingi ya kuheshimiana, kusaidiana na kupendana.

“Maadili na malezi yanaanzia nyumbani, hivyo niwaombe Watanzania tuwe waangalifu na maudhui yanayotangazwa au kuchapishwa mitandaoni,” alisema.

Aidha, aliwataka wadau wa utamaduni kujenga mazingira yatakayowezesha bunifu mbalimbali kustawi na kutumika kama sehemu ya kukuza uchumi wa wananchi.

Kupitia tamasha hilo, Msigwa pia aliwakumbusha Watanzania kujielekeza katika kutafuta na kutumia fursa mbalimbali za kiuchumi, hususan kuelekea matukio makubwa yatakayofanyika nchini, ikiwemo mashindano ya Kombe la Mataifa ya Afrika (AFCON).

ELIMU YA MAFUTA NA GESI ASILIA YAWAVUTIA WANANCHI MOROGORO

 

 ELIMU YA MAFUTA NA GESI ASILIA YAWAVUTIA WANANCHI MOROGORO

 Na Thadei Hafigwa

WANANCHI waliofika kutembelea banda la Mamlaka ya Udhibiti Mkondo wa Juu wa Petroli (PURA) katika Tamasha la Nne la Taifa la Utamaduni mkoani Morogoro wameonyesha shauku kubwa ya kupata elimu kuhusu shughuli za utafutaji, uchimbaji na uendelezaji wa rasilimali za mafuta na gesi asilia nchini.

Shauku hiyo ilijitokeza baada ya wananchi mbalimbali kufika katika banda hilo na kuuliza maswali kuhusu uwepo wa mafuta nchini, hatua zilizofikiwa katika utafutaji wa rasilimali hiyo pamoja na lini Tanzania inaweza kuanza kunufaika na uchimbaji wa mafuta.

Baadhi ya wananchi hao,ni Charles Pangapanga,Mkulima wa skimu ya Umwagiliaji Mvomero abaye alihoji iwapo tayari kuna uhakika wa uwepo wa mafuta nchini na ni lini shughuli rasmi za uchimbaji zinaweza kuanza.

Mjiolojia kutoka PURA, Lukelo Matimbwi, alisema kuwa bado kuna tafiti na shughuli za utafutaji zinazoendelea katika maeneo mbalimbali nchini ili kubaini uwepo na kiwango cha rasilimali za mafuta.

Alisema kuwa hadi sasa, Tanzania imefanikiwa kubaini uwepo wa gesi asilia, huku uchunguzi na tafiti za kutafuta mafuta zikiendelea kwa mujibu wa taratibu na teknolojia zinazotumika katika sekta ya petroli.

Matimbwi alieleza kuwa elimu inayotolewa na PURA inalenga kuwawezesha wananchi kuelewa nafasi ya mamlaka hiyo katika kusimamia na kudhibiti shughuli za mkondo wa juu wa petroli, zikiwemo shughuli za utafutaji na uendelezaji wa mafuta na gesi asilia.

Aidha, wananchi waliofika katika banda hilo walipata fursa ya kuuliza maswali na kujifunza zaidi kuhusu rasilimali za mafuta na gesi asilia pamoja na mchango wake unaotarajiwa katika maendeleo ya kiuchumi na kijamii nchini.

Tamasha la Nne la Taifa la Utamaduni, linaloendelea katika Viwanja vya Jamhuri mkoani Morogoro, limeendelea kuwa jukwaa muhimu kwa taasisi mbalimbali za serikali na wadau wengine kutoa elimu kwa wananchi kuhusu majukumu, huduma na fursa zinazopatikana katika sekta mbalimbali.

Kwa upande wake,Chifu wa Morogoro,Musa Lukwele amezipongeza Taasisi za serikali ambazo zimeshiriki katika Tamasha la Utamaduni limefanya uamuzi wa kizalendo,na kutoa elimu huduma wanazotoa kwa wananchi,na tafiti mbalimbali zinazofanywa na wataalamu katika kuharakisha maendeleo ya nchi.

Chifu Lukwele,alisema kuwa Machifu na Wazee wa Mila,pamoja na majukumu yao mengine wataendelea kutoa ushirikiano kwa serikali na watafiti watakapofika maeneo yao ya kiutawala ili kusipatwe vikwazo katika majukumu yao ya kuwaletea maendeleo yao.

MVOMERO DC YAANZA KUTIKISA SHIMISEMITA MBEYA

MVOMERO DC YATIKISA SHIMISEMITA MBEYA, PROF. SHEMDOE ATOA ONYO KALI DHIDI YA UDANGANYIFU

Na Mwandishi wetu

Viongozi, watumishi na wachezaji wa Halmashauri ya Wilaya ya Mvomero wameshiriki katika ufunguzi rasmi wa Mashindano ya Shirikisho la Michezo ya Serikali za Mitaa (SHIMISEMITA), yanayofanyika jijini Mbeya.

Ufunguzi wa mashindano hayo umefanyika leo, Agosti 23, 2026, ukihudhuriwa na viongozi mbalimbali wa Serikali, huku mgeni rasmi akiwa Prof. Riziki Silas Shemdoe, Waziri wa Nchi, Ofisi ya Waziri Mkuu – Tawala za Mikoa na Serikali za Mitaa (TAMISEMI), aliyemwakilisha Waziri Mkuu wa Jamhuri ya Muungano wa Tanzania.

Akizungumza wakati wa hafla hiyo, Prof. Shemdoe amewataka washiriki wote kuzingatia kikamilifu kanuni, taratibu na sheria zinazoongoza mashindano hayo, akisisitiza umuhimu wa michezo kuendeshwa kwa haki, uadilifu na ushindani wa kiungwana.

Prof. Shemdoe ametoa onyo kali dhidi ya udanganyifu katika michezo, akisema timu au mchezaji yeyote atakayebainika kukiuka taratibu na kufanya udanganyifu atachukuliwa hatua kwa mujibu wa kanuni za mashindano, ikiwemo kufutiwa matokeo.

“Michezo inapaswa kuendeshwa kwa kuzingatia kanuni na taratibu. Hakutakuwa na nafasi ya udanganyifu. Timu au mchezaji atakayebainika kufanya udanganyifu atachukuliwa hatua, ikiwemo kufutiwa matokeo,” amesema Prof. Shemdoe.

Aidha, Prof. Shemdoe ameeleza kuwa SHIMISEMITA ni jukwaa muhimu la kuimarisha afya, ustawi, mshikamano na ushirikiano miongoni mwa watumishi wa Serikali za Mitaa, sambamba na kutoa fursa kwa watumishi kuonesha vipaji vyao katika michezo mbalimbali.

Katika mashindano hayo, watumishi wa Halmashauri ya Wilaya ya Mvomero wanashiriki katika michezo mbalimbali kwa lengo la kuonesha uwezo, vipaji na ushindani, huku wakilenga kuiwakilisha vyema Halmashauri yao na kufanya vizuri katika mashindano hayo.

Ushiriki wa Mvomero DC pia unalenga kuimarisha uhusiano na mshikamano miongoni mwa watumishi, pamoja na kutumia michezo kama sehemu ya kujenga afya bora na kuongeza morali ya utendaji kazi.

Kaulimbiu hiyo inaendana na maandalizi ya Tanzania kuelekea kuwa sehemu ya wenyeji wa michuano ya Kombe la Mataifa ya Afrika (AFCON) 2027, ambayo itafanyika kwa ushirikiano wa Tanzania, Kenya na Uganda.

TAMASHA LA NNE LA KITAIFA LA UTAMADUNI KUFANYIKA MOROGORO AGOSTI 25

Tamasha la Nne la Kitaifa la Utamaduni Morogoro Kuanza Agosti 25

Na Mwandishi wetu

MOROGORO inatarajia kuwa mwenyeji wa Tamasha la Nne la Kitaifa la Utamaduni, litakalofanyika kuanzia Agosti 25 hadi 29, 2026, likiwa na lengo la kuendeleza, kutangaza na kuhifadhi utamaduni wa Tanzania pamoja na kufungua fursa za kiuchumi kupitia sekta ya utamaduni na sanaa.

Kwa mujibu wa taarifa iliyotolewa na Ofisi ya Mkuu wa Mkoa wa Morogoro, tamasha hilo linatarajiwa kukutanisha wadau mbalimbali wa utamaduni, wasanii, wabunifu, wazalishaji wa vyakula vya asili pamoja na wananchi kutoka maeneo mbalimbali ya Tanzania.

Tamasha hilo litakuwa na burudani na shughuli mbalimbali zitakazolenga kuonyesha utajiri wa mila, desturi, sanaa na vipaji vya Watanzania.

Miongoni mwa shughuli zitakazofanyika ni burudani za ngoma za asili, visasili na visakale, pamoja na maonesho ya vyakula vya asili kutoka makabila mbalimbali nchini.

Aidha, kutakuwa na mashindano ya vyakula vya asili na ngoma za asili, hatua inayolenga kuwahamasisha wananchi, hasa vijana, kuendelea kujifunza na kuthamini urithi wa kitamaduni wa Tanzania.

Mbali na burudani na uhifadhi wa mila na desturi, tamasha hilo linatarajiwa kutoa nafasi kwa wadau kujadili namna ambavyo utamaduni unaweza kuwa chanzo cha ajira, biashara na kipato kwa wananchi.

Kwa mujibu wa taarifa hiyo, kutakuwa na mdahalo wa Maadili pamoja na Kongamano la Kitaifa la fursa za kiuchumi zinazotokana na shughuli za Utamaduni na Sanaa, sambamba na maonesho ya filamu.

Kongamano hilo linatarajiwa kuwa jukwaa muhimu la kujadili namna wasanii, wabunifu, wajasiriamali na vijana wanavyoweza kutumia vipaji na rasilimali za kitamaduni kujenga shughuli endelevu za kiuchumi.

Tamasha hilo pia litatoa nafasi kwa wananchi kutembelea vivutio vya utalii na kiutamaduni vilivyopo Morogoro, hatua inayoweza kuongeza uelewa kuhusu utajiri wa Mkoa wa Morogoro katika eneo la utalii, historia na utamaduni.

Kwa upande wa burudani za usiku, ratiba inaonesha kuwa kutakuwa na Usiku wa Taarabu na Muziki wa Kale, utakaotoa fursa kwa wananchi kufurahia muziki wa kizazi cha zamani huku wakikumbushwa nafasi ya muziki huo katika historia na utamaduni wa Tanzania.

Kwa kufanyika kwa tamasha hilo Morogoro, mkoa huo unapata fursa ya kuendelea kujitambulisha kama moja ya maeneo muhimu nchini katika uhifadhi wa utamaduni, sanaa na urithi wa Taifa.

Tamasha hilo pia linaweza kuwa fursa kwa wafanyabiashara wadogo, wasanii, wajasiriamali, wazalishaji wa bidhaa za asili na sekta ya utalii kupata masoko mapya na kujenga mitandao ya kibiashara.

Wananchi na wadau wa utamaduni wanatarajiwa kujitokeza kwa wingi kushiriki katika shughuli hizo, huku msisitizo ukiwa katika kulinda, kuendeleza na kutumia utamaduni kama nyenzo ya maendeleo ya kijamii na kiuchumi.

Tamasha la Nne la Kitaifa la Utamaduni Morogoro linafanyika kuanzia Agosti 25 hadi 29, 2026, likiwa limebeba ujumbe wa kuunganisha utamaduni, sanaa, utalii na fursa za kiuchumi kwa maendeleo ya wananchi.

TANZANIA IMEANDIKA HISTORIA MPYA UZINDUZI WA MRADI WA KUFUA UMEME MW 2,115

JNHPP ya MW 2,115 Yazinduliwa Rasmi na Rais Samia

Na Mwandishi wetu

TANZANIA imeandika ukurasa mpya katika historia ya sekta ya nishati baada ya Rais wa Jamhuri ya Muungano wa Tanzania, Dkt. Samia Suluhu Hassan, kuzindua rasmi Mradi wa Kufua Umeme wa Julius Nyerere (JNHPP) wenye uwezo wa kuzalisha megawati 2,115.

Uzinduzi huo unaashiria kukamilika kwa moja ya miradi mikubwa na kimkakati ya Taifa katika kuongeza uwezo wa uzalishaji wa umeme na kuimarisha upatikanaji wa nishati kwa wananchi na shughuli za kiuchumi.

Mradi huo uliotekelezwa katika eneo la Mto Rufiji umejengwa kwa lengo la kuongeza uzalishaji wa umeme nchini, kupunguza changamoto za upungufu wa nishati na kuweka msingi imara wa kukuza shughuli za viwanda, biashara, kilimo na huduma mbalimbali.

Uzinduzi wa JNHPP unatajwa kuwa hatua muhimu katika utekelezaji wa mikakati ya Serikali ya kuhakikisha Tanzania inakuwa na umeme wa uhakika unaoweza kukidhi mahitaji yanayoongezeka kutokana na ukuaji wa uchumi na idadi ya watu.

Kwa wananchi, kukamilika kwa mradi huu ni zaidi ya kuongeza megawati kwenye gridi ya Taifa; ni hatua inayotarajiwa kuchochea uwekezaji, kuongeza uzalishaji, kuimarisha huduma za kijamii na kutoa mazingira bora kwa wafanyabiashara na wazalishaji.

Tukio hilo la kihistoria limewafanya Watanzania kushuhudia hatua nyingine muhimu katika safari ya maendeleo ya sekta ya nishati nchini.

FEASSA YARIDHISHWA NA MAZINGIRA YA UWANJA WA JAMHURI MOROGORO

FEASSA YARISHWA NA MAZINGIRA YA UWANJA WA JAMHURI MOROGORO 

Na Mwandishi wetu

 Uongozi wa Shirikisho la Michezo ya Shule za Msingi na Sekondari Afrika Mashariki (FEASSA) umeipongeza Serikali ya Mkoa wa Morogoro kwa maandalizi bora ya mashindano ya michezo ya shule za msingi na sekondari Afrika Mashariki yanayoendelea mkoani humo.

Pongezi hizo zilitolewa Agosti 20, 2026, wakati viongozi wa FEASSA wakiongozwa na Rais wa Shirikisho hilo, Justus Kamugisha, na Katibu Mkuu, Ngugi David, walipomtembelea Mkuu wa Mkoa wa Morogoro, Mhe. Adam Kighoma Malima, ofisini kwake.

Viongozi hao walisema maandalizi yaliyofanywa na Mkoa wa Morogoro yamewezesha mashindano hayo kufanyika katika mazingira salama na yenye utulivu, huku wakibainisha kuwa ushirikiano kati ya kamati ya maandalizi na Ofisi ya Mkuu wa Mkoa umechangia kufanikisha mashindano hayo.

Akizungumza baada ya kupokea pongezi hizo, Mhe. Malima alisema Morogoro itaendelea kutoa ushirikiano kwa FEASSA na wadau wengine wa michezo, akisisitiza kuwa mkoa huo una fursa kubwa za kuendeleza michezo na kukuza vipaji vya vijana.

“Morogoro ina fursa nyingi ambazo zikitumika vizuri zinaweza kuboresha mazingira ya michezo na kuongeza aina mbalimbali za michezo inayofanyika mkoani hapa,” alisema Malima.

Alisema mkoa una maeneo makubwa yanayoweza kutumika kwa shughuli za michezo, hivyo kuna haja ya kutumia fursa hizo kwa ufanisi ili kuibua vipaji vipya na kuongeza ushiriki wa vijana katika michezo mbalimbali.

Kwa upande wake, Mkurugenzi wa Michezo, Utamaduni na Sanaa kutoka Ofisi ya Waziri Mkuu, Tawala za Mikoa na Serikali za Mitaa (TAMISEMI), Yusuph Singo Omari, alisema mashindano hayo yamefungua fursa muhimu za kiuchumi kwa Tanzania na maeneo yanayowahudumia washiriki.

Singo alisema ujio wa maelfu ya washiriki na wageni kutoka nchi za Afrika Mashariki unatoa fursa kwa wafanyabiashara, hususan wanaofanya biashara za hoteli, usafirishaji, chakula na huduma nyingine, kuongeza shughuli zao za kiuchumi.

Mashindano hayo yaliyoanza Agosti 12, 2026, yanatarajiwa kuhitimishwa Agosti 23, 2026, yakishirikisha zaidi ya wanafunzi 6,000 kutoka Tanzania, Kenya, Uganda, Rwanda na Burundi.

Lengo la mashindano hayo ni kukuza na kuibua vipaji vya michezo miongoni mwa wanafunzi, huku yakitoa fursa kwa vijana kutoka nchi za Afrika Mashariki kukutana, kushindana na kujenga urafiki na mshikamano kupitia michezo.

Baada ya Tanzania kuwa mwenyeji wa mashindano hayo mwaka huu, Kigali, Rwanda, inatarajiwa kuwa mwenyeji wa mashindano ya FEASSA mwaka 2027.