ASKOFU MTOKAMBALI ATOBOA SIRI HALI YA CORONA TANZANIA

       Askofu Mkuu Tanzania Assembly of God,Dk.Barnabas Mtokambali
Na Thadei Hafigwa,Morogoro

ASKOFU Mkuu wa Kanisa Tanzania Assembly of God (TAG), Askofu Barnabas Mtokambali ametoa siri jinsi viongozi wenzake wa dini,wakiwemo maaskofu kutoka nje ya nchi walivyokuwa wakimpigia simu mara kwa mara ili kujua iwapo Tanzania haina corona kama taarifa zilivyoenea ulimwenguni

Askofu Mkuu Mtokambali, alitoa siri hiyo kwa waumini wa kanisa la Gosheni lililopo Kilakala mizambarani,Manispaa ya Morogoro,kwamba dunia imekuwa na gharika kubwa la ugonjwa wa corona lakini Tanzania imekuwa tofauti kwamba gharika hilo halikuwaathiri watanzania ulinganisha na mataifa mengine.

Amesema kuwa, Watanzania wanapaswa kumshukuru Mungu kwa wema wake,kwa kutokuwa na  athari kubwa dhidi ya corona kama ilivyo kwa nchi nyingine,kwamba si watanzania ni wema sana bali ni mapenzi tu ya mungu kwa watanzania.

“nilikuwa ninapokea simu kutoka kwa maskofu wenzangu wakitaka niwafahamishe hali ya corona kwa Tanzania,lakini ukweli ni kwamba Tanzania haina corona niliwahakikishia hivyo.”Alisema Askofu Mtokambali.

Aidha,Askofu Mtokambali aliendesha ibada maalum ya mshukuru Mungu kwa jinsi Mungu alivyoonesha maajabu yake kwa watanzania ambapo licha ya kufanya mikusanyiko mbalimbali ikiwemo kwenye ushiriki wa ibada lakini watu wamekuwa salama dhidi ya corona.

Amesema mataifa makubwa duniani yanaendelea kuteseka dhidi ya corona hali hiyo imewasababishia wananchi wa mataifa mengine wakiwa na hofu dhidi ya corona.

Hivi karibuni,serikali ya awamu ya tano chini ya Rais wa Jamhuri ya Muungano wa Tanzania,Dk. John Pombe Magufuli imeishangaza ulimwengu kutokana na kitokomeza ugonjwa wa Covid-19 kwa kufanya maombi kwa Mungu kila mmoja kwa imani yake,ambapo matokeo ya sala na dua zimeleta mafanikio makubwa na taifa na linasonga mbele kiuchumi.