MBIO ZA UBUNGE,UDIWANI ZATOA MATUMAINI MAPYA USALAMA 'WAMAMA' WAKATI WA KUJIFUNGUA

 “Tumekuwa na mradi mwingine wa Kijimbo ambapo tumeweza kushirikiana na serikali kwa kujenga jengo kubwa la kisasa  kwa ajili  ya kujifungulia wakinamama ambalo limejengwa pale katika hospitali teule ya rufaa ya Mkoa wa Pwani tumbi haya ni moja ya juhudi zangu katika kuboresha afya”Mgombea ubunge Kibaha mjini(CCM) Sylvestry Koka

Amesema endapo atachaguliwa na wananchi kuwaongoza tena katika kipindi kingine cha miaka mitano atahakikisha analivalia njuga  suala la kukabiliana na changamoto  inayowakabiliwa  wakinamama wajawazito kupoteza maisha wakati wa kujifungua  kwa  kuboresha sekta ya afya ikiwemo  kununua vifaa tiba vya kisasa.

Mgombea ubunge wa jimbo la Kibaha mjini Syvestry Koka wakati wa mkutano wa hadhara na wananchi kwa ajili ya kuweza kujinadi pamoja na kuomba kura kwa wananchi waweze kuwachagua

Sylvestry Koka alimetoa ahadi wakati wa kampeni ya kuomba kura kwa wananchi wa maeneo ya mbali mbali ya bundikani katika  kata ya Maili moja ambapo amebainisha kwamba nia yake kubwa ni kuendelea kushirikiana na wananchi na serikali ambayo itaingia madarakani katika kuweka mazingira rafiki katika utoaji wa huduma ya afya kwa wananchi husussan wakinamama wajawazito.

Aidha mgombea huyo alibainisha kwamba kutokana na kuwepo na changamoto ya upatikanaji wa wa utoaji wa huduma katika baadhi ya maeneo alipambana vilivyo mnamo mwaka 2012 kwa ajili ya kuomba ujenzi wa mradi wa hospitali mpya ya Wilaya ambapo maombi yake yaliweza kuzaa matunda kutokana na mradi huo kukamilia.

Mgombe Ubunge wa jimbo la Kibaha mjini   Sylvestry Koka wa kushoto kupitia tiketi ya chama cha mapinduzi (CCM) wakiwa sambamba kwenye jukwaa na mgombea udiwani wa Kata ya maili moja Ramadhani Lutambi katika mkutano wa kampeni kwa ajili ya kutoa sera zao  kwa wananchi ili waweze kuchaguliwa katika uchaguzi mkuu wa mwaka huu.

“Wakati nipo katika nafasi yangu ya Ubunge mnamo mwaka 2012 niliomba ujenzi wa hospitali ya Wilaya lakini alivyoingia katika kipindi kingine aliweza kupambana kutokana na kuona kuna umuhimu mkubwa wa hospitali hiyo ambayo itaweza kuwa mkombozi mkubwa kwa wananchi kupatiwa matibabu yao kwa urahisi  na kwamba kwa sasa hospitali hiyo imekamilika na tayari imeshaanza kutoa huduma,”alisema Mgombea huyo.

Kadhalika Koka amesema kuwa katika kuboresha sekta ya afya wakati akiwa Mbunge alishatoa msaada wa vifaa tiba mbali mbali katika kituo cha afya cha Mkoa wa Pwani lengo ikiwa ni kurahisisha utoaji wa huduma kwa wananchi katika suala zima la upatikanaji wa dawa ili wananchi waweze kupata matibabu bila usumbufu wowote.

Mmoja kati ya makada wa chama cha mapinduzi Mjema wa kushoto akiwa amesimama jukwaani huku amemshika mkono kwa ajili ya kumanadi mgombea udiwani wa Kata ya Maili moja, Ramadhani Lutambi wa kulia katika mkutano wa kampeni amabo ulifanyika katika viwanja vya shule ya sekondari Bundikani.

Akizungumzia kuhusiana na suala la mipango yake katika kuboresha sekta ya  afya aliongeza kuwa anatambua bado kuna baadhi ya maeneo mengine kuna changamoto ya upatikanaji wa huduma ya aafya hivyo amewaomba wananachi waweze kumpatia ridhaa ya kuongoza katika kipindi kingine ili aweze kumalizia utekelezaji wa ilani ya chama katika kuwahudumia wananchi wote bila ya ubaguzi.

Kwa upande wake Mgombea  udiwani wa kata ya Maili moja kupitia tiketi ya ( CCM) Ramadhani Lutambi amewaahidi wananchi wa Maili moja kwamba  lengo lake kubwa ni  kuhakikisha  anasimama kidete katika kusimamia miradi mbali mbali ya maendeleo ikiwemo ukarabati wa miundombinu ya barabara pamoja na kuboresha sekta ya elimu kwa kujenga na kukarabati  madarasa katika shule za msingi na sekondari.

Baadhi ya wanachama wa chama cha mapinduzi CCM ambao walifika katika mkutano huo wa kampeni kwa ajili ya kusikiliz sera za wagombea mbali mbali katika nafasi za ubunge pamoja na udiwani,(PICHA ZOTE NA VICTOR MASANGU)

Naye Mwenyekiti wa Chama cha mapinduzi katika Halmashauri ya mji Kibaha Maulid Bundala ametoa angalizo kwa wananchi kuhakikisha wanafanya maamuzi yaliyo sahihi kwa  kuwachagua viongozi wanaotokana na CCM  wenye uwezo wa kusikiliza kero za wananchi na  kuleta maendeleo.