WAHITIMU DARASA LA SABA WATAKIWA KUZINGATIA MAADILI MEMA

 

Paroko wa Parokia ya Tangeni,Padre Emil Kobero akifuatilia kwa karibu wahitimu wa Darasa la Saba (hawapo pichani),Shule ya Msingi Tangeni,iliopo Wilaya ya Mvomero Mkoani Morogoro

Na Mwandishi wetu

WAHITIMU wa darasa la saba shule ya msingi Tangeni,Wilaya ya Mvomero mkoani hapa wametahadharishwa kuwa makini na maisha ya mtaani baada ya kumaliza elimu ya msingi, kwani kuna uharibifu mwingi kwa vijana wadogo  huku wasichana wakipata mimba na kutelekezwa.

Wakati wasichana wakipata mimba wakiwa na umri mdogo kwa upande wa  wavulana wakiharibikiwa kwa kujiingiza katika makundi yasiyofaa hata ya kutumia madawa ya kulevya na bangi.Hivyo,Wazazi nao wanapaswa kuwaangalia kwa makini watoto wao wakati wakiwa nyumbani baada ya mitihani yao ya darasa la saba.

Wahitimu wa Elimu ya msingi,Shule ya Msingi Tangeni,Wilaya ya Mvomero,Mkoa wa Morogoro wakionesha wakiwa katika picha ya pamoja mara baada ya kukabidhiwa vyeti vyao vya kuhitimu elimu ya msingi kwa mwaka 2020.

Rai hiyo imetolewa na Padre Emil Deogratias Kobero aliyekuwa Mgeni rasmi katika mahafari ya darasa la saba wa shuleni ya Msingi Tangeni iliyopo wilaya ya Mvomero mkoa wa Morogoro.

Padre Kobero ambaye ni paroko wa parokia ya Tangeni,mkurugenzi wa Mawasiliano Jimbo Morogoro na mshauri wa vijana jimbo katoliki Morogoro amesema kuhitimu darasa la saba ni hatua ya kwenda sekondari hivyo baada ya mitihani yao watoto hao wanapaswa kupumzika na kujiandaa kwenda sekondari na siyo kujiingiza katika makundi mabaya au kujihusisha na matendo yasiyofaa au kufanyishwa kazi za kitumwa.

Alisema kuwa, Ushirikiano wa karibu baina ya wazazi walezi na uongozi wa serikali unahitajika sana katika kupambana na waharibifu wa watoto, inasikitisha kuona baadhi ya wazazi wakifumbia macho uovu  na ukatili unaotendwa kwa watoto wao kwasababu ya rushwa wanayopewa na watu wanoharibu watoto hao. Hatua kali zinapaswa kuchuliwa kwa wazazi wanaoficha uovu huo ili kuwa fundisho kwa  wengine wenye tabia hiyo.

Baadhi ya wahitimu wa darasa la saba,Shule ya msingi Tangeni,Wilaya ya Mvomero Mkoa wa Morogoro wakiwa katika picha ya pamoja na wazazi na walezi wao katika Mahafari ya kuhitimu elimu ya Shule ya Msingi 

Akiekieleza zaidi, Padre Kobero amesema, “tunaishi katika ulimwengu wa utandawazi ulimwengu wa ushindani, elimu bora ndiyo njia ya kuwajengea  vijana uwezo wa kukabiliana   na changamoto za utandawazi hivyo vijana waliohitamu daarasa la saba wanapaswa kusaidiwa kupata elimu bora  ili waweze kufikia ndoto walizo nazo na kuka biliana na changamoto za utandawazi”.

Naye Mratibu wa Elimu kata ya Mzumbe akiongea katika mahafari hayo amesikitishwa na ushirikiano mbovu unaonyeshwa na baadhi ya wazazi linapokuja suala na kuboreha taaluma kwa watoto wao.

Wazazi walionyesha muamko kuchangia sherehe ya mahafari lakini siyo kuchangia taaluma. Ila amewahadharisha wazazi wanaoshirikiana na waharifu wanaowapa mimba watoto wao kwa kumalizana nao kimya kimya. Hatua kali zitachukuliwa kwa wazi hao.

Akijibu risala ya shule amabayo ilianisha changamoto za shule zinazoikabili shule hiyo. Paroko huyo amesema. Ni kweli kuwa shule hiyo ina mapungufu mengi; kwanza madarasa yaliyopo ni machakavu kwani yalijengwa zaidi ya mika 75 iliyopita pia hayatoshelezi mahitaji.

Hakuna ofisi ya walimu, kuna upungufu mkubwa wa nyumba za walimu; upungufu wa matundo ya choo,  shule haina maktaba wala maabara kwaajili ya somo la TEHAMA.  Hivyo pamoja na hitaji kubwa la ukarabati wa miundo mbinu iliyopo lazima kufanya jitihada za makusudi kuweka miundo mbinu mpya.

Katika kukabliana na changamoto hizo alipendekeza iundwe kamati maalumu ya ukarabati na maboresho ya shule. Kamati hiyo itakuwa na wajibu wa kuandaa mchanganuo wa mradi mzima wa ukarabati na  ujenzi wa mioundo mbinu mpya ili kuiweka shule katika hali bora, kuandaa bajeti na kutafuta fedha za kukamilisha mradi huo.

Kwa mujibiwa risala ya shule mpaka  sasa shule ya msingi Tangeni ina jumla ya wanafunzi 708, ina jumla ya  walimu kumi  na moja pamoja na Mwalimu mkuu wa shule na kati ya walimu hao wa kiume ni wawili (2) na wakike  tisa (9). Shule ina vyumba vya madarasa nane (8) wakati hitaji halisi ni vyuma kumi na sita (16) hivyo kuna upungufu wa vyumba  nane (8) vya madarasa.

Kwa upande wa madawati, shule inapaswa kuwa na madawi 238 lakini kwa sasa kuna madawai 156 tu hivyo kuna upungufu wa madawati 82. Kutokana na upungufu mkubwa wa madawati  baadhi ya wanafunzi wa darasa la   tatu (3),la nne (4) na la tano (5), wanalazimika kukaa chini hali inayopelekea ugumu katika kujifunza.

Risala imeendelea kunyesha kuwa shule haina ofisi za walimu na meza za ofisi. Kutokana na ukosefu huo, walimu wanatumia chumba cha darasa kufanyia shughuli zao.

Wakati  huohuo hitaji la nyumba za walimu ni 16, kwa sasa kuna nyumba mbili tu tena mbovu zinazohitaji ukarabati wa  kina.

Akiongea baada ya mahafari hayo mwenyekiti wa Kamati ya shule ameridhia wazo la mgeni rasmi la kuunda kamati maalumu kwa ajili ya ukarabati na maboresho ya shule na wajumbe waliopendekezwa ni pamoja na Mwalimu mkuu wa shule hiyo Bi Debora Malyango, Paroko wa Parokia ya Tangeni Pd.Emil Deogratias Kobero, mwenyekiti wa kamati ya shule, mwenyekiti wa Kijiji Tangeni, Diwani mteule wa kata ya Mzumbe ,Godfrey Lumongolo na wajumbe kadhaa wa kamati ya shule.

Pamoja na wajumbe hao kamati itahusisha watalaamu hasa wa ujenzi na wajumbe wengine watakaoteuliwa  na kamati hiyo ya awali.

Shule ya msingi Tangeni ilianzishwa mwaka 1933 chini ya usimamizi wa Kanisa katoliki parokia ya Mt. Bernard Tangeni . Mwalimu mkuu wake wa kwanza alikuwa Sista  Maria Magdalena (Marehemu).

Baadae shule ilitaifishwa na serikali lakini bado Kanisa Katoliki parokia ya tangeni linaendelea kuitunza na kuboresha miundo mbinu ya shule hiyo.

Jumla ya wahitimu 70 waliagwa katika mahafari yaliyofanyika Oktoba 2,2020.