Wafanyabiashara waahidiwa neema

VICTOR MASANGU,KIBAHA 

MGOMBEA Ubunge wa Jimbo la Kibaha Mji kupitia tiketi ya Chama cha Mapinduzi (CCM), Slvestry Koka ameahidi kuwaondolea changamoto wafanya biashara kwa kuhakikisha wanapata maeneo maalumu kwa ajili ya kufanyia shughuli zao mbalimbali za kibiashara ili waweze kujikwamua na wimbi la umasikini.

Mgombea huyo Ametoa ahadi hiyo wakati wa mkutano wake wa kampeni uliofanyika katika viwanja vya maili moja vilivyopo Kibaha mji ambao ulihudhuriwa na viongozi mbalmbalii wa chama cha CCM pamoja na wananchi kutoka maeneo mbalimbali.

Mgombea Ubunge wa jimbo la Kibaha mjini Slvestry Koka kushoto kwa tiketi ya Chama cha mapinduzi (CCM) akiwa na Mke wake Mama Selina Koka wakati wa mkutano wa kampeni kwa ajili ya kuomba ridhaa ya kuongoza tena kwa kipindi kingine mkutano huo ulifanyika katika viwanja vya maili moja.

Koka aliongeza kuwa katika kipindi kilichopita aliweza kushirikiana na serikali ya awamu ya tano katika kufanikisha miradi mbalimbali ya maendeleo na kwamba aliweza kufanikiwa kupata mradi mkubwa wa ujenzi wa soko la kisasa ambalo limeshaanza kujengwa.

“Kikubwa ambacho ninawaomba wananchi wenzangu wa jimbo la Kibaha mji naombeni kwa moyo mkuchufu kuweza kuniamini tena katika kipindi kingine niwe mwakilishi wenu katika bunge la Jamhuri ya Muungano wa Tanzania niweze kuzitafutia ufumbuzi changamoto zetu kwa kushirikiana na serikali,”aliahidi Mgombea huyo.

Mgombea Ubunge wa jimbo la KIbaha mjini Slvestry Koka akiwa jukwaani akitoa sera zake kwa wananchi ili waweze kumpata kura za kishondo katika uchaguzi Mkuu unaotarajiwa kufanyika Octoba 28 mwaka huu.

Aidha, alisema kwamba anatambua kuna baadhi ya wafanyabishara wanafanya shughuli zao katika mazingira magumu na wengine hawana eneo maalumu kwa ajili ya kufanyia shughuli zao za biashara.

Hivyo  lengo lake kubwa ni kuhakikisha anaweka mipango madhubuti ambayo itasaidia kuendesha biashara bila ya kuwepo kwa usmbufu wowote.

Mwonekano wa baadhi ya wanachama na wakeleketwa wa Chama cha mapinduzi (CCM) wakiwa wamebeba mabonga ya picha mbali mbali ikiwemo za Mgombea Urais Dk. Jihn Pombe Magufuli na nyingine zikiwa za Mgombea Ubunge wa Jimbo la Kibaha mjini Slvestry Koka wakati wa mkutano wa kampeni kwa ajili ya kuomba kura kwa wananchi.

“Mimi kwa kweli nina imani kuna mambo mengi ambayo nimeweza kuyatekeleza wakati wa kipindi changu cha Ubunge kwa hiyo ninaomba wananchi wa Jimbo la Kibaha mjini tuendelee kushirikiana bega kwa bega ili miradi mingine ambayo bado haijakamilika iweze kukamilika na nina imani kubwa soko ili kubwa la kisasa pindi likikamilika litaweza kuwa mkombozi mkubwa kwa wafanyabiashara,”aliongeza Koka.

 Mgombea Ubunge jimbo la Kibaha mjini Slvestry  Koka wakati wa moja ya mkutano wake wa kampeni 

 

Katika hatua nyingine mgombea huyo alisema kwamba serikali ya awamu ya tano ambayo inaongozwa na Rais Dk. John Pombe Magufuli imeweza kufanya mambo makubwa kutokana na kutekeleza miradi mikubwa ya kimkakati ambayo itaweza kuwasaidia kwa kiasi kikubwa wananchi ambao walikuwa wanakabiliwa na changamoto mbali mbali.

Baadhi ya wananchi kutoka maeneo mbali mbali ya Halmashauri ya Kibaha mji wakiwa wameketi kwa utuliu kwa ajili ya kusikiliza sera ya mgombea Ubunge wa Jimbo la Kibaha mjini Slvestry KoKA hayupo pichani wakati wa mkutano  wa hadhara mbao ulifanyika maili moja.(picha zote na Victor Masangu).

Kwa upande wake Mke wa Mgombea huyo Mama Selina Koka hakusita kuwaomba wananchi wa Jimbo la Kibaha mjini kuweza kumpata nafasi nyingine mume wake ili aweze kushirikiana kikamilifu katika utekelezaji wa miradi mbali mbali ya maendeleo lengo ikiwa  kupiga hatua zaidi  katika sekta mbali mbali.

“ Kwa heshima kubwa kwa kweli naweza nikasema serikali ya awamu ya tano imeweza kufanya mambo mengi sana lakini kitu kikubwa naomba muendelee kumuamini mume wangu aweze kupata kura nyingine katika uchaguzi mkuuu ambao unatarajiwa kufanyika Octona 28 mwaka huu hivyo imani yangu mtaweza kumpatia kura nyingine za ndio,”alisema Mama Selina Koka.