WAGOMBEA UDIWANI,UBUNGE WATOA AHADI NONO KIBAHA

Mwenyekiti wa Chama cha mapinduzi (CCM) Wilaya ya Kibaha mji Maulid Bundala kushoto akimnadi mgombea udiwani wa Kata ya Mkuza, Fokasi Bundala wakati wa uzinduzi wa kampeni uliofanyika katika eneo la kwa Mathiasi .

Mgombea  Udiwani kata ya Mkuza kwa tiketi ya Chama Cha Mapinduzi ( CCM) Fokasi Bundala akizungumza katika mkutano wa hadhara na  baadhi ya wananchi wa eneo la kwa mathiasi wakati wa uzinduzi wa kampeni.(Picha zote na Victor Masangu).

 NA VICTOR MASANGU, KIBAHA

 MGOMBEA Ubunge wa Jimbo la Kibaha mjini Sylvestry Koka  kwa tiketi ya Chama Cha Mapinduzi amewahidi wananchi kuwaletea maendeleo kwa kasi ikiwa ni moja ya mkakati wa utekelezaji wa Ilani ya chama chake katika kipindi kingine cha miaka mitano.

 

Wakati mgombea huyo wa ubunge akitoa ahadi hiyo,Nae mgombea Udiwani kata ya Mkuza kwa tiketi ya Chama Cha Mapinduzi ( CCM) Fokasi Bundala amewaomba wananchi kumuamini na kumchagua kuongoza kata hiyo ili akamilishe miradi aliyokuwa akiisimamia katika awamu iliyopita.

 

Wakiwa katika majukwaa wagombea hao wamewahakikishia wananchi mjini Kibaha katika siku ya uzinduzi wa kampeni zao, kwamba, wapo tayari kuwatumikia wananchi usiku na mchana bila ya ubaguzi wa aina yoyote

 

Wamejinadi, kwamba kupitia chama cha mapinduzi wananchi wanapaswa kuamini maendeleo hupatikani kwa ushirikiano hivyo kwakua awamu iliyopita kuna miradi iliyoibuliwa na bado haijakamilika utekelezaji wake wanaomba tena kupewa nafasi ili wakasimamie fedha kutoka Halmashauri za kukamilisha miradi hiyo.

 

Kwa mujibu wa Ilani ya CCM  Katika  awamu iliyopita Shilingi billion 5.2 zilitumika katika kata ya Mkuza kutekeleza miradi ya maji, Elimu, barabara na ujenzi wa Zahanati.