SAYARI MODERN TAARAB:YAJA NA KIBAO SENSA NDIYO HABARI YA MJINI TANZANIA

 MSEMAJI WA KIKUNDI CHA SAYARI MODERN TAARAB,BI.MARIAM MAMBO

SAYARI MODERN TAARAB: YAJA NA KIBAO SENSA NDIYO HABARI YA MJINI TANZANIA

Na Thadei Hafigwa,Morogoro

KIKUNDI cha muziki wa Taarabu,Sayari Modern Taarab kilichopo Manispaa ya Morogoro kimetoa kibao kipya  cha kuhamasisha zoezi la kuhesabiwa watu hapa nchini(sensa) linalotarajiwa kufanyika Agosti 23,mwaka huu ikiwa ni moja ya kuunga mkono juhudi za serikali ya awamu ya sita.

Msemaji wa Sayari Modern Taarab,Bi.Mariam Mambo akiongoza na wasanii wenzake,Zainabu Saleh na Sharifa Issa amesema kundi lao lilianza mwaka 2019 wakitumbuiza  maeneo mbalimbali mjini morogoro baada ya kuivishwa na mwalimu wao Ramadhan Kisoro,mwalimu na mwimbaji wa kujitegemea kutoka Jijini Dar es Salaam.

Mambo alisema kuwa mwanzoni kabla hawajapata uzoefu wa utunzi wa nyimbo walikuwa wakinukuu tungo mbalimbali zilizowahi kutungwa na kuchezwa na wasanii mbalimbali wenye uzoefu na nyimbo za taarabu.

Aidha,Mambo amesema kuwa kabla ya kujiuhusisha na muziki wa taarabu walikuwa wakishiriki kwenye sanaa ya maonesho kwa kuendesha kampeni mbalimbali utuatiliaji wa rasilimali za umma kupitia sanaa shirikishi jamii pamoja na miradi ya kupinga ukatili wa kijinsia kupitia asasi za kiraia.

Alisema kikundi chao cha Sayari Modern Taarab baada ya kuona serikali ya awamu ya sita chini ya Rais wa Jamhuri ya Muungano wa Tanzania,Samia Suluhu Hassan kuzindua kampeni za uhamasishaji juu ya watanzania kuhesabiwa(Sensa) wameguswa na jambo hilo hivyo wakaona watoe mchango wao.

Mambo alisema kuwa kuna dhana iliyopo kwenye jamii kwamba ukihesabiwa unapuza umri wa kuishi,au ni kujitabilia kifo,kwamba dhana hiyo ni potofu kwani hakuna uhusiano wowote kati ya suala la kuhesabiwa na umri wa mtu wa kuishi.

“Sisi kikundi cha sayari Modern Taarab tumejidhatiti kuunga mkono juhudi za serikali katika kufanikisha malengo ya serikali ya kuhakikisha wananchi wanahamasika kuhesabiwa.”Alisema.

KIKOSI CHA WASANII WA SAYARI MODERN TAARAB CHA MJINI MOROGORO WAKIWA KATIKA KASHKASHI ZAO,SENSA NDIYO HABARI YA MJINI KAHESABIWE.

Alisema kuwa hadi sasa Sayari Modern Taarab toka watoe kibo hicho kipya cha kuhamasa juu ya sensa vituo vya redio na luninga vilivopo ndani ya mkoa wa Morogoro na nje ya Morogoro wanarusha na kucheza mara kwa mara.

Kwa upande wake Zainab Saleh,msanii wa kikundi hicho alisema wapo tayari kushirikiana na wadau wengine katika kuhamasisha masuala mbalimbali ya kijamii kupitia sanaa shirikishi ambayo kurahisisha uwasilishaji wa ujumbe kwa jamii.

Zainab amesema ni muda muafaka kwa jamii kutambua mchango wa wasanii kwa kuwa ulimwengu wa sasa sanaa imekuwa ni sehemu ya ajira,hivyo iwapo vijana wakapewa moyo na hamasa kutaleta matokeo chanja katika maendeleo ya watu.

Msanii mwingine wa kikundi cha Sayari Modern Taarab,Sharifa Idd  alisema kuwa dhana ya waimbaji wa muziki wa taarab ni wahuni si sahihi na badala yake watambue ya kuwa wapo wasanii wa muziki wa taarab wametoa mchango mkubwa hapa nchini na nje ya nchi.

Sharifa amemtaja miongoni mwa wasanii hayo ni Bi Kidude alikuwa ni mwimbaji wa muziki wa taarab alikuwa ni maarufu wakati wa uhai wake na hata baada ya kufa,ambapo watu wamekuwa wakimkumbuka na kumuezi kutokana na kazi alizofanya ndani ya taifa la Tanzania na pia ikiwemo Afrika mashariki,ulaya na Asia.