SHIRIKA LA SWAA KUJIDHATITI KUKABILIANA NA MABADILIKO TABIANCHI

 

MKURUGENZI WA SHIRIKA LA SWAA,BI.HELEN MBEZI KUSHOTO AKISISITIZA JAMBO KWA WAJUMBE WA KAMATI YA MAZINGIRA,MANISPAA YA MOROGORO WALIPOTELEMBEA ENEO LA MRADI WA UHIFADHI WA MAZINGIRA KATIKA SHULE YA MSINGI YA LUHUNGO.

Na Thadei Hafigwa,Morogoro

KUTOKANA na mabadiliko ya tabianchi uliosababisha kukosekana kwa upatikanaji wa maji ya kutosha katika kipindi cha mwaka 2020 na 2021 umeathiri mradi wa upandaji wa miti katika shule za msingi Luhundo na Bigwa,Manispaa ya Morogoro.

Mkurugenzi wa Shirika la The society for Women and Aids in Afrika(SWAA),Helen Mbezi amebainisha hayo mbele ya kamati ya mazingira ya baraza la madiwani, Manispaa ya Morogoro kwenye ziara ya kutembelea maendeleo na changamoto zilizopo katika  mradi huo.

Helen alisema kuwa katika kipindi cha mwaka jana wameweza waliweza kuotesha kitalu cha miti 14,000 aina ya graveria ambapo miti 7000 ilioteshwa katika shule ya msingi Luhundo na miti 7000 mingine ilioteshwa katika shule ya msingi Bigwa zilizopo halmashauri ya Manispaa ya Morogoro lakini miti hiyo kutokana na kuwepo kwa ukame uliosababisha kunyauka kwa kukosa maji.

Mwenyekiti wa kamati ya mazingira,Manispaa ya Morogoro,Hamis Kilongo pamoja na kulipongeza shirika la SWAA katika harakati zake za utoaji wa elimu ya uhifadhi mazingira kwa wadau wa mazingira wakiwemo madiwani,wananchi na wanafunzi,lakini amehidi kuhakikisha ya kuwa miradi ya mazingira inapewa kipaumbele katika maeneo mbalimbali ya manispaa ya Morogoro.

BAADHI YA WANANCHI WA KATA YA LUHUNGO WAKISIA MBEGU KWENYE VIRIBA TAYARI KWA KUOTESHA MITI YA MBAO NA MATUNDA INAYOTEKELEZWA NA SHIRIKA LA SWAA,LILILOPO MOROGORO

Kilongo amemhakikishia Mkurugenzi wa shirika la SWAA kuwa changamoto ya ukosefu wa maji wataifanyia kazi kwa kuwasilisha hoja hiyo katika vikao vya madiwani ili kupatiwa ufumbuki ikiwemo kuwasiliana na wadau wengine wakiwemo MORUWASA kwa lengo la kutafuta suluhisho la kudumu katika maeneo yanayotekelezwa mradi.

Aidha,Afisa elimu wa shule za msingi,Manispaa ya Morogoro,Mwamsiku Masegenya ameahidi kushirikiana na shirika la SWAA ili mradi wa upandaji wa miti uwe endelevu na kuwafikia wananchi wengi ambapo alishauri kitalu vya miti vioteshe katika shule nyingine za manispaa ya Morogoro ikiwemo shule ya msingi mzinga.

Mwamsiku pia amewapongeza walimu wa shule za msingi zilizonufaika na mradi wa uhifadhi wa mazingira waendelee kuotesha miti kwa kuhamasisha wanafunzi iwaweze kuwa na mwamko wa kutunza mazingira wakiwa shuleni na nyumbani kwa manufaa ya sasa na vizazi vijavyo.