WAZIRI KALEMANI AMPA MKANDARASI SIKU 10 KUKAMILISHA UJENZI ‘KIPOZA’ UMEME KILOMBERO

 

WAZIRI WA NISHATI,DK MEDARD KALEMANI AKIONESHA HISIA ZAKE,KUKERWA NA UCHELEWESHAJI WA UJENZI WA MRADI WA KITUO CHA KUPOZA UMEME KILOMBERO

WAZIRI KALEMANI AMPA MKANDARASI SIKU 10 KUKAMILISHA UJENZI ‘KIPOZA’ UMEME KILOMBERO

Na Lilian Kasenene, Morogoro.

WAZIRI wa Nishati, Dk Medard Kalemani ameonyesha kukasilishwa na namna ucheleweshwaji wa Ujenzi wa kituo cha kupoza umeme unaotoka kidatu kwenda wilaya za Ulanga,Kilombero na Malinyi kinachojengwa mjini Ifakara na kutoa siku kumi kwa mkandarasi wa Ujenzi huo kampuni ya AEE Power kuanza Mara Moja ili uweze kukamilika kwa wakati.

Dk Kalemani, alitoa agizo hilo jana, mjini Ifakara wilayani Kilombero alipotembelea na kukagua eneo la mradi kinapojengwa kituo hicho cha kupooza umeme kinachojengwa kwa gharama ya shilingi 23 bilioni  hadi kukamilika kwake zilizotolewa na serikali.

“Kwa muda mrefu wilaya hizi zimekuwa na tatizo la kukatika kwa umeme mara kwa mara hivyo mradi huo utakuwa mwarobaini wa tatizo la kukatika kwa umeme maeneo haya ya Ifakara,Malinyi na Ulanga tatizo ambalo limekuwa likilalamikiwa na wananchi na kutaka wananchi wapate umeme wa uhakika,”alisema Waziri Dk Kalemani. 

WAZIRI WA NISHATI,DK MEDARD KALEMANI AKISISITIZA JAMBO WAKATI APOTEMBELEA UJENZI WA MRADI WA KITUO CHA KUPOZA UMEME KILOMBERO,MKOANI MOROGORO,AMBAPO AMEKERWA NA HALI YA UCHELEWESHWAJI WA UJENZI WA MRADI HUO(PICHA NA LILIAN LUCAS)

Dk Kalemani alimtaka mkandarasi  kuleta vifaa vya kutosha pamoja na wataalam wa kutosha ili mradi ukamilike kwa wakati.

Aidha alisema alipata taarifa ya kutoelewana kati ya mkandarasi na msimamizi mwelekeze wa mradi huo na kuwataka kuacha mara moja malumbano yanayoendelea Kati yao na kuwa malumbano yao yasiwaumize wananchi kwani wanahitaji umeme kwa haraka na malumbano yao hayana tija kwa sasa.

Alisema kwa sasa wananchi wanahitaji umeme kuliko wakati mwingine wowote ni vyema wataalamu na wakandarasi wanaopewa miradi ya umeme kuhakikisha wanafannya kazi na kujenga kwa wakati maeneo yote yanayohitajika kujengwa na kuwataka meneja wa shirika la umeme Tanzania(Tanesco) wa wilaya, mikoa na wale wa Wakala wa Nishati Vijijini(REA) kusimamia kikamilifu.

Dk Kaleman pia ameitaka bodi ya wakala wa Nishati vijijini REA kuweka kambi kwenye mradi huo  na kuanza kazi mara moja huku akiitaka bodi hiyo kutomuongezea muda mkandarasi bali kumsimamie mradi ili ukamilike ndani ya wakati kwa mujibu wa mkataba.

Awali, akielezea maendeleo ya mradi huo, meneja mradi kutoka Tanesco Didas Lyamuya alisema kuwa mpaka sasa mkandarasi yuko kwenye zoezi la ujazaji wa kifusi na vifaa vimeshaagizwa na matarajio Transfoma kubwa kufika Septemba mwaka huu.

Akieleza baadhi ya Changamoto iliyopo eneo la Mradi ni tafsiri ya kutoelewana ya kiwango cha Udongo namna gani kijazwe ili thamani ya fedha iweze kuonekana.

Ujenzi wa kituo hicho kikubwa cha umeme kitakuwa kina uwezo wa kuingiza Voteji 220 na kutoa voteji 33 kwa wananchi na hiyo itakuwa mkombozi wa tatizo sugu kukatika kwa umeme huo mara kwa mara kwenye maeneo hayo.