Manispaa Moro yajidhatiti kuboresha elimu kwa wananchi

 

Mkurugenzi wa Manispaa ya Morogoro, Sheilla Lukuba.

 HALMASHAURI ya Manispaa ina Tarafa moja (1) yenye Kata 29 na Mitaa 272. Ongezeko la Kata kutoka 19 hadi kufikia 29 inatokana na ongezeko la Watu ambapo baadhi ya Kata za Zamani zimegawanywa. Kata zilizoongezwa ni Luhungo, Kauzeni, Magadu, Lukobe, Mkundi, Chamwino, Kihonda Magorofani, Mindu, Mafisa na Tungi.

Halmashauri ya Manispaa ambayo ninaongozwa na Mkurugenzi wake Mwanamke shupavu, Sheilla Lukuba ina Katika mfumo wa Utendaji, kwa kuwa na  Idara kumi na tatu na Vitengo sita vinavyowajibika moja kwa moja kwa Mkurugenzi. Idara kumi na tatu za Halmashauri ni pamoja na  Utawala na Utumishi,Fedha na Uongozi,Afya,Elimu Msingi,Elimu Sekondari,Mipangomiji na Ardhi,Maji,Maendeleo na Ustawi wa Jamii, Mifugo na Uvuvi,Kilimo, Umwagiliaji na Ushirika,Mipango,Takwimu na Ufuatiliaji,Usafi na Mazingira,Ujenzi na Zimamoto

Huku kukiwa na vitengo vitano ambavyo ni-,Sheria,Ukaguzi wa Ndani,Ugavi,Uchaguzi,Ufugaji Nyuki,Teknologia,Habari, Mawasiliano na Uhusiano Hivyo Manispaa ya Morogoro katika mfumo wake wa utawala huundwa kwa njia ya  Kamati ambazo ndio injini za  uendeshaji wa kazi zake,Kamati hizo ni,Kamati ya Fedha na Uongozi, Kamati ya Huduma za Uchumi, Elimu na Afya,Kamati ya Mipangomiji na Mazingira,Kamati ya kudhibiti Ukimwi na Kamati ya Maadili.

Kwa kuzingatia Dira ya Maendeleo ya 2025, Mpango wa Kukuza Uchumi na Kupunguza Umaskini Tanzania (MKUKUTA) II na Malengo ya Millenia ili kutoa huduma bora kwa jamii.

Katika jicho la Moropc blog leo tunaangazia sekta ya elimu ilivyowekewa msingi kwa wananchi ili waweze kunufaika.Elimu ya Msingi:Halmashauri ya Manispaa ya Morogoro ina jumla ya shule 85 za Msingi, kati ya hizo shule 62 ni za Serikali na shule 25 zisizo za Serikali. Jumla ya wanafunzi walio katika shule za msingi za Serikali ni 50,448 kati yao wavulana ni 24,891 na wasichana ni 25,557.

Kadhalika Mpango wa Elimu ya Msingi kwa walioikosa (MEMKWA) Mpango huu unasimamia watoto wanaostahili kwenda shule na hawakupata fursa .Watoto hawa wanaandikishwa katika shule ya Msingi.MEMKWA ina jumla ya Wanafunzi 251, kati yao Wavulana ni 146 na wasichana ni 105.

 MUKEJA: Huu ni mpango kati ya Elimu ya Watu Wazima na Jamii,kundi hili lina jumla ya Washiriki 233.Katika mpango huu wanakisomo hupata mbinu za kujiajiri kama ushonaji,Useketaji,Ususi,Ufinyanzi,Ufumaji,Ufugaji,Kilimo na bustani,ufundi cherehani na utunzaji wa Mazingira.Pia kuna wanakisomo chenye manufaa KCM Washiriki 157,Wanakisomo cha kujiendeleza washiriki 76.

Vituo vya Ufundi Stadi:Manispaa ina vituo viwili (2) vya Ufundi Stadi vyenye wanafunzi 131, wakiwemo wasichana 79 na wavulana 52 waliomaliza Elimu ya Msingi na ambao hawakupata nafasi ya kujiunga na Elimu ya Sekondari. Vituo hivi ni Msamvu na Luhungo ambavyo hufundisha Useremala na Sayansi Kimu. Wanafunzi hawa baada ya kumaliza mafunzo haya hujiajiri au kuajiriwa katika fani walizosomea.