MA-DC PWANI WASHAURIWA KUFUATILIA LISHE KWA WANANCHI WAO

          MA-DC PWANI WASHAURIWA KUFUATILIA LISHE KWA WANANCHI WAO

KATIBU TAWALA WA MKOA WA PWANI DK. DELPHINE MAGERE AKIZUNGUMZA JAMBO KATIKA KIKAO  KILICHOANDALIWA KWA AJILI YA KUFANYA TATHIMINI YA MASUALA MBALI MBALI YANAYOHUSIANA NA LISHE.

NA VICTOR MASANGU

WAKUU wa  Wilaya mkoa wa Pwani wameshauriwa  kuhakikisha wanasimamia kwa karibu katika kutatua changamoto zilizopo  katika baadhi ya maeneo yanayokabiliwa na  uwepo kwa lishe duni kwa wananchi na udumavu, hali inaweza kukwamisha  shughuli za kuleta  maendeleo.

Kauli hiyo ameitoa wakati wa kikao maalumu cha kufanya tathimini ya tatu  mkataba wa mambo yanayohusiana na  lishe ngazi ya Mkoa  ambapo kimehudhuriwa na viongozi mbali mbali wa serikali, wadau wa maendeleo, waganga wakuu wa Wilaya, wenyeviti wa halmashauri, wakuu wa Wilaya  sambamba na wakurugenzi.

Katibu Tawala wa Mkoa wa Pwani Dk. Delphine Magere  amewahimza viongozi mbalimbali wa Wilaya ambazo hazijafanya vizuri kujitahidi zaidi katika kukabiliana na lishe duni hasa kwa wananchi wote wa waeneo yao ili kuondokana na  changamoto hizo ambayo ipo katika baadhi ya Wilaya.

“Kwa kweli suala  la mambo ya lishe katika Mkoa wetu wa Pwani ni jambo ambalo lipo nyeti sana kwa hivyo ninawaomba viongozi wote katika ili tuweze kushirikiana kwa pamoja kwa lengo wa kuwahimiza wananchi juu ya umuhimu mkubwa katika mambo ya lishe na manufaa yake ,”alisema Dk, Mgere.

Dk. Magrere alifafanua kuwa ana imani kubwa endapo viongozi wa Wilaya kwa kushirikiana na wananchi wao wanaweza kuweka mipango madhubuti pamoja na kuwa bega kwa bega na watalaamu wanaweza kusaidia kuleta mabadiliko katika  masuala ya Lishe.

“Napenda kuchukua fursa hii ya kuwakumbusha viongozi wa baadhi ya Wilaya ambazo kwa namna moja au nyingine sehemu zao ambazo wanazifanyia kazi hazijafanya vizuri sana katika suala la lishe ambalo leo tumeakua kukutana kwa pamoja na viongozi wa halmashauri zote tisa za Mkoa ili kuweza kuona namna ya kulijadili na kulitafutia ufumbuzi,”aliongeza Dk. Magere.

Nao baaadhi ya viongozi na wadau ambao wameshiriki katika kikao hicho wameahidi kuyafanyiakazi maagizo yote ambayo yametolewa na kwamba wataweka mipango madhubuti ambayo katika siku za usoni itaweza kubadilisha kabisa changamoto ambazo zinawakabili katika mambo ya masuala ya lishe ili wananchi wasiwe wadumavu.

Kikao hicho kimefanyika kwa lengo la kuweza kujadili mikakati ya kusaidia mambo mbali mbali yanayohusiana na lishe ikiwemo kujadili changamoto zilizopo katika halmashauri zote tisa za Mkoa wa Pwani ili  kuweza kuzitafutua ufumbuzi wa kudumu.