MADIWANI MOROGORO WAMPITISHA KWA KISHINDO SEIF CHOMOKA NAIBU MEYA

MADIWANI MOROGORO WAMPITISHA KWA KISHINDO SEIF CHOMOKA NAIBU MEYA

Na Thadei Hafigwa 

BARAZA la Madiwani,Manispaa ya Morogoro lenye wajumbe 42 kwa kauli moja wamemthibitisha Diwani wa kata ya Mkundi,Seif Chomoka kuwa naibu Meya wa Halmashauri hiyo atakayeongozwa kuwa kipindi cha mwaka moja kutokana na imani kubwa waliyonayo dhidi yake.

Katibu wa Baraza la Madiwani ambaye pia ni Mkurugenzi wa Halmashauri ya Manispaa ya Morogoro, Emanuel Mkongo Kabla ya baraza hilo kumdhibitisha alisoma barua kutoka chama cha mapinduzi Wilaya ya Morogoro mjini inayoelezea jina la Seif chomoka ambaye alishinda uchaguzi wa naibu meya katika chama hicho.

 Baada ya waraka huo wa CCM kusomwa,Meya ya Manispaa ya Morogoro,Paschal Kihanga alitoa fursa kwa madiwani kumthibitisha jina la Seif Chomoka kushika nafasi hiyo ambayo hapo awali ilishikiliwa na Mohamed Lukwele ambaye katika uchaguzi ndani chama cha Mapinduzi   alipata kura 15 huku Seif Chomoka aliinuka kwa kupata kura 23.

Mara baada ya kuthibitishwa,Seif Chomoka katika hotuba yake ya shukrani aliahidi kufanyakazi kwa uadilifu kwa kushirikiana na Meya na menejimenti ya halmashauri ya Manispaa ya Morogoro ili kuhakikisha kasi ya maendeleo ya wananchi inaongeza na kupunguza kero zinazowakabili wananchi wa manispaa hiyo.

Aidha,Chomoka aliwashauri  ofisi ya Mkurugenzi wa Manispaa kutafuta uwezekano wa kuongeza samani za ofisi za kisasa ili madiwani waweze kutimiza wajibu wao katika mazingira rafiki badala ya kutumia viti vya plastiki kwenye vikao vyao.

Katika baraza hilo pia walifanya uchaguzi wa wenyeviti wa kamati mbalimbali iliwemo kamati za kudumu ya mbili za kudumu,kamati za mipango miji,ambaye mwenyekiti wake ni Amin Tunda,Diwani wa Kata ya Kingo ambayo ndani ya kamati hiyo kuna kamati ndogo ya mazingira ambaye mwenyekiti wake ni Rashid Matesa,Diwani wa kata ya Uwanja wa Taifa.

Kamati nyingine ni kamati ya huduma za jamii,elimu na afya ambaye mweyekiti wake ni Majuto Mbuguyu,Diwani wa kata ya Uwanja wa Ndege katika kamati hiyo kuna kamati ndogo ya afya ambaye mwenyekiti wake ni Samuel Msuya,Diwani wa Kata ya Mbuyuni ambaye alichaguliwa bila ya upinzani.