RC MALIMA:MSIMU UJAO WA SHEREHE ZA NANENANE KANDA MASHARIKI KUBORESHWA

               MKUU WA MKOA WA MOROGORO,ADAM KIGHOMA MALIMA

RC Malima:Msimu ujao wa Sherehe ya Nanenane Kanda Mashariki Kuboreshwa

Na Thadei Hafigwa,Morogoro

Mkuu wa Mkoa wa Morogoro,Adam Kighoma Malima amesema ya Maonesho ya Wakulima,Wavuvi na Wafugaji,Nanenane kanda ya mashariki yataboreshwa zaidi katika Msimu ujayo ili kuleta tija kwa wananchi.

Malima amesema hayo wakati wa kilele cha maonesho ya wakulima,wavuvi na wafugaji katika viwanja cha Mwalimu Nyerere ikiwa ni sehemu ya tathmini ya awali ya maadhimisho ya msimu kwa mwaka huu,2023.

Alisema kuwa zipo changamoto zilizojitokeza katika maonesho ya mwaka 2023,kwamba mkakati uliopo ni kuanza kufanya maandalizi mapema ifikapo mwezi januari ili maonesho hayo yawe endelevu na tija kwa wananchi.

Katika Kilele cha Maonesho ya nanenane kanda ya mashariki mgeni rasmi alikuwa ni Mkuu wa Mkoa wa Tanga, Waziri Kindamba amewataka wakulima kuwa na uzalishaji wenye tija katika sekta ya kilimo, uvuvi na mifugo ili kukidhi mahitaji ya nchi na kupanua na kukidhi soko la biashara za mazao yatokanayo na mazao,mifugo na uvuvi.

Mkuu wa Mkoa wa Tanga,Waziri Kindamba (aliyevaa skafu)akimkabidhi mkuiima ufungua wa Trekta,Gerold Mlenge mwenye vazi  suti mkazi wa halmashauri ya Morogoro vijijini baada ya kupata mkopo kutoka kwenye Agricom.Tukio hilo limeshuhudiwa na Mkuu wa Mkoa wa Morogoro,Adam Malima,Mkuu wa Mkoa wa Pwani,Abubakar Mussa Kunenge

Kindamba kabla ya kuhutubia wananchi aliweza kutembelea mabanda mbalimbali ambapo alishuhudia kuwepo kwa teknolojia na zana za kilimo, ufugaji na uvuvi ambapo aliwahimiza kuendelea kuongeza ubunifu kwa msilahi mapana na jamii ya kitanzania mijini na vijijini.

Katika maadhimisho hayo Halmashauri ya Wilaya ya Mvomero ilibuka kidedea katika halmashauri zilizopo katika mkoa wa Morogoro na kufuatiwa na Halmashauri ya Manispaa ya Morogoro ambayo ilipata ngao.

 Aidha,Bodi ya Sukari imekuwa ni mshindi wa jumla kwa kufanikiwa kufanya vizuri na kuwashinda washiriki wengine ambao walihimizwa kuongeza bidii katika msimu mwingine ili kuongeza ushindani wenye masilahi mapana kwa wananchi.

Kindamba ametaja changamoto kuu iliyojitokeza katika msimu wa Nanenane 2023 ni upungufu wa maji,jambo ambalo limeathiri vipando kumea vema,hivyo ametoa wito kwa mamlaka husika kuhakikisha miundombinu ya maji yanaboreshwa katika kipindi kijacho.

Sherehe za nanenane kanda ya mashariki ilihudhuriwa na viongozi mbalimbali akiwemo Mkuu wa Mkoa wa Pwani.Kunenge,Mameya,madiwani,wakuu wa taasisi za umma pamoja na wananchi kutoka maeneo mbalimbali yaliopo kanda ya mashariki inayojumuisha mikoa ya Morogoro,Pwani,Dar es Salaam na Tanga.