Zaidi ya Sh.bil 1 ya mfuko wa sanaa yawanufaisha walengwa 45 nchini

  Bi.Nyakoho Mahemba,Mtendaji Mkuu Mfuko wa Utamaduni na Sanaa Tanzania

 Zaidi ya Sh.bil 1 ya mfuko wa sanaa  yawanufaisha walengwa 45 nchini

Na Lilian Lucas,Morogoro

MFUKO wa sanaa na utamaduni toka ulipozinduliwa Desemba 23,2023 umeweza kutoa mikopo wenye thamani ya shilingi bil.1.07 na kuweza kuwanufaisha wadau wa tasnia ya sanaa 45 wakiwemo walemavu.

Mtendaji Mkuu wa mfuko wa Sanaa na Utamaduni Tanzania,Nyakoho Mahemba amebainisha hayo mijini Morogoro wakati wa warsha kwa wadau wa sanaa na utamaduni,aliongeza kuwa mbali ya kutoa lengo la mfuko huo ni kutoa huduma za mikopo ya urejeshaji ili kuendeleza tasnia ya sanaa hana nchini baada ya kubaini kuwepo kwa changamoto ya mitaji kwa wasanii.

Mahemba amesema kwamba mfumo huo pia unatoa mikopo wa vifaa na vitendea kazi kwenye tasnia hiyo,ambapo miongoni mwa wanufaika ni kundi la walemavu walipatiwa mkopo wa shilingi mil.55 kwa ajili ya kuwaendeleza walemavu wenzao kwenye tasnia ya sanaa hususan tamthiliya,kuibua vipaji na kuwawezesha watoto wanaoishi kwenye mazingira magumu.

Amesema kuwa,Morogoro ni miongoni mwa mikoa yenye watu wenye vipaji vya sanaa jambo ambalo limewasukuma kuwapa mafunzo wasanii waliopo katika mkoa huo ili kuhakikisha wapata uwelewa wa kuandika miradi na mchanganuo  utakaowaweka kwenye mazingira rafiki ya kukopesheka na taasisi za fedha.

Mtendaji Mkuu wa Mfuko wa Utamaduni na sanaa,Bi.Nyakoho Mahembe(Katikati) akifwa na Afisa Elimu Taaluma,Mkoa wa Morogoro,Bw.Tullo Fundi (Kulia)wakati warsha ya siku moja kwa wasanii wa Morogoro juu ya fursa ya mkopo unaotolewa na mfuko wa Utamaduni na Sanaa hapa nchini.

“Mfuko unatoa mkopo wa kujikimu au dharura ambayo ni ya muda mrefu kwa lengo la kujikimu wakati wa safari za kuandaa au kufanikisha mambo ya sanaa aidha ndani au nje ya nchi”amesema.

Ametaja miongoni mwa manufaa yaliyopatikana na uwepo kwa mfuko huo ni kufanikisha kuwa na Studio 21  zenye vifaa vya kisasa za kurekodi kazi za sanaa na hivyo kuwarahisishia wasanii hapa nchini badala ya kwenda nje ya nchi huduma hiyo wanaipata nchini na kukuwapunguzia gharama za kusafiri ughaibuni.

“mfuko huu sasa ni kichocheo cha uchumi katika sekta ya utamaduni na sanaa kwa kuigeuza sekta hii biashara na kuleta tija kwa wananchi wakiwemo wakazi wa Morogoro” alisema

Aidha,alitaja changamoto zinazowakabili wasanii na wadau wa utamaduni ni  kutokuwa na elimu ya fedha na usimamizi wa miradi hivyo ili kukabiliana na hali hiyo wameona kuna haja ya kutoa mafunzo ili wadau watakaopata mikopo waweze kurejesha na mfuko kuwa endelevu.

Kwa upande wake,Afisa Utamaduni Manispaa ya Morogoro,Safia Kigwahi amesema ofisi yake itahakikisha ya kuwa wasanii na wadau wa utamaduni wanakuwa na uwelewa wa kutosha.

Warsha hiyo ilifunguliwa na Katibu Tawala Mkoa wa Morogoro Dkt.Mussa Ali Mussa alipongeza sekta binafsi kushirikiana na serikali katika kuchangia pato la taifa ili hali inayochangia kusukuma maendeleo ya nchi.

Baadhi ya Wasanii Manispaa ya Morogoro walifuatilia mada zilizokuwa zikiwashirikishwa kwenye warsha ya siku moja juu ya fursa ya mkopo unaotolewa na Mfuko wa Utamaduni na Sanaa.

Akisoma hotuba kwa niaba ya Katibu Tawala,Tullo Fundi,Afisa Elimu na Taaluma mkoa wa Morogoro alitoa wito kwa wasanii waliopo mkoa wa Morogoro kuchangamkia fursa ya mikopo na kurejesha kwa wakati ili adhima ya serikali ya kuwafikia walengwa inatimia.

Dkt.Mussa pamoja na mambo mengine amesema kwamba,ni jukumu la kutumia fursa hiyo ili kuondokana na kwamba sanaa badala ya kustarehesha na kuwa na kuwa fursa ya kiuchumi na kibiashara.

Mafunzo hayo yalishirikisha viongozi mbalimbali katika ngazi ya kitaifa akiwemo raisi wa shirikisho la sanaa za fundi stadi Tanzania,Adrian Nyangamalle na Dkt.Cynthia Henjewele,raisi wa Shirikisho la Maonyesho Tanzania(SHISAMA)