WANANCHI WASHAURIWA KUEPUKA MATUMIZI YA DAWA KIHOLELA

 Diwani wa Kata ya Kihonda Maghorofani,Mhandisi Hamis Ndwata (Kulia)liyevaa Shati la mikono mifupi akishuhudia uzinduzi wa jengo la kituo cha huduma ya Mama,Baba na Mtoto cha Susannah Wesley Polyclinic kilichopo Kihonda Maghorofani,Manispaa ya Morogoro.

WANANCHI WASHAURIWA KUEPUKA MATUMIZI YA DAWA KIHOLELA

Na Severin Blasio,Morogoro

WANANCHI wameshauriwa kuacha tabia ya kununua dawa na kutumia bila ushauri wa daktari na badala yake  waende kwenye kituo cha kutoa huduma  wapate ushauri wa kitaalam.

Kauli hiyo imetolewa na mganga mfawidhi wa wa kituo cha huduma ya mama,baba na mtoto cha Susannah Wesley (Polyclinic) Dkt Bahati Faustine kwenye uzinduzi wa jengo la huduma ya mama,baba na mtoto.

Kituo hicho kinamilikiwa na kanisa la The United Methodist Tanzania kilichopo kata ya Kihonda Maghorofani kilikuwa kinatoa huduma ya wagonjwa wa nje (OPD) na  kimeongeza jengo la mama,baba na mtoto (RCH).

“Kumekuwa na tabia iliyojengeka miongoni mwetu ya mtu anapojisikia kuumwa kwenda kwe nye duka la la dawa au tiba mbadalana kununua dawa kisha kuzitumia  bila kujua anatibu nini.

Jengo la kutolea huduma ya Mama,Baba na Mtoto la Kituo cha Susannah Wesley Polyclinic kilichopo Manispaa ya Morogoro.

“Na wengine huenda mbali zaidi na kuwapigia simu baadhi ya watoa huduma wa za afya  na kuuliza aina ya dawa ya kumeza ili wapone jambo ambalo ni kinyume na kanuni za matibabu “Alisema Dkt Faustine.

Dkt Faustine alisema utaratibu wa matibabu  unawataka wananchi wanapojisikia wanaumwa kwenda moja kwa moja kwenye kituo cha huduma ili waonane na daktari ambaye atamsikiliza ,kumchunguza ,kumpima na baada ya kugundua ugonjwa atamwandikia dawa za kutumia.

Aidha Dkt Faustine ametoa shime kwa wazazi kujenga mazoea ya kuonana na wataalamu wa masuala ya uzazi kabla ya hawajapata ujauzito sambamba na  kuhimiza umuhimu wa mama na mtoto kutumiza chanjo zote.

Katibu Tawala Wilaya ya Morogoro,Hirary Sagara watatu kutoka kulia aliyevaa miwani akikata utepe kuashiria kuzinduzi wa Jengo la huduma ya afya kwa  Mama,Baba na Mtoto(RCH) cha Sussanah Welsey Polyclinic iliopo Kata ya Kihonda Maghorofani,Manispaa ya Morogoro. 

Alitoa changamoto ya kituo hicho kuwa ni kutopata kibali cha huduma ya mfuko wa bima ya afya,miundombinu ya barabara na ukosekanaji wa usafiri wa wagonjwa wanaohitaji rufaa.

Akijibu changamoto za kituo hicho,Mratibu wa huduma za afya Maispaa ya Morogoro Dkt Felister Stanslaus kwa niaba ya mganga mkuu alimuhakikishia  daktari wa kituo cha Susannah wesley polyclinic kuwa serikali haitawaaacha nyuma wapo tayari kushirikiana nao katika kuongeza ufanisi katika kutoa huduma hiyo.

Naye mgeni rasmi katibu Tawala Mkuu wa wilaya ya Morogoro Hilary Sagara alipongeza Kanisa la The uniteed Methedist kwa kuweza kusaidiana na serikali katika kupanua huduma za afya.