Ugonjwa wa ‘Kimyanga’ wawasababisha hasara Wakulima wa mpunga Utengule

                                         Diwani wa Kata ya Utengule,Ditrom Mhenga

Ugonjwa wa ‘Kimyanga’ wawasababisha hasara Wakulima wa mpunga Utengule

Na Thadei  Hafigwa

WANANCHI wa Kata ya Utengule,Halmashauri ya Wilaya ya Mlimba katika msimu wa kilimo 2022/2023 wamekabiliwa na changamoto ya ugonjwa wa zao la mpunga maarufu  ‘Kimyanga’ ambapo wadudu waharibifu wanashambulia kwa kuzorotesha ustawi wa zao hilo linapokuwa shambani.

Diwani wa Kata ya Utengule Ditram Mhenga.alisema kuwa Ugonjwa wa ‘Kimyanga’ umepewa jina hilo na wenyeji kutokana na jinsi mimea inavyonyauka ikiwa shambani umewasababisha wananchi wengi kupata hasara kwa kuwa zao la mpunga linategemewa kwa chakula na biashara.

”Wananchi wangu ni wachapa kazi sana,katika msimu huu wa kilimo,mazao yao yameshambuliwa na ugonjwa ambao wataalamu wa kilimo wanaufanyia utafiti ili msimu ujayo wa kilimo ugonjwa huo uweze kudhibitiwa katika msimu huu umewasumbua hata wataalamu wetu wa kilimo”.alisema.

Aidha,kuhusu upatikanaji wa  pembejeo katika msimu wa kilimo uliopita alisema pamoja na jitihada  zilizofanywa na serikali katika kuhakikisha pembejeo za ruzuku zinawafikiwa wananchi lakini wakulima wa utengule hawakunufaika kwa sababu kituo cha kuchukulia pembejeo kilikuwa mbali.

Mzee Francis kinyanyilo (62) ni mkazi wa Utengule alisema kuwa shughuli kuu wanazofanya ni kilimo cha mazao ya Mahindi,Mpunga,Viazi lakini msimu wa mwaka huu  shughuli zao ziliingia na dosari ya ugonjwa wa Kimnyaanga ambao unakausha mazao.

“Binafsi nilipoona dalili kwenye shamba langu lilikimbilia ofisi ya kata nilikutanna afisa kilimo alipatia dawa ya kukabiliana na ugonjwa huo kwa kiasi fulani ilinisaidia,ila changamoto ilikuwa ni kubwa sana kwenye upatikaji wa pembejeo.”alisema.

Mkulima mwingine aliyejitambulisha kwa jina moja la Ramadhan alisema yeye katika msimu wa kilimo kwa mwaka huu aliandaa shamba lake lenye ukubwa wa hekari saba ambalo alipanda zao la mpanga kutokana na ugonjwa wa kimyanga amejikuta akipata hasara kubwa kwa kukosa mazao shambani.

Hata hivyo,Diwani wa Kata hiyo ya Utengule aliwahimiza wananchi wake kutokata tamaa na badala yake waendelee kufanyakazi na kuunga kuunga mkono juhudi zinazofanywa na serikali katika kukabiliana na changamoto mbalimbali zinazowakabili.

Alisema kuwa,Mkurugenzi mtendaji wa Halmashauri ya Mlimba,Mhandisi,Stephano Bulili Kaliwa amekuwa mstari wa mbele katika kuzitafutia ufumbuzi kero na changamoto za wananchi hususan wa kata ya Utengule.

 Mhenga alisema kuwa toka alingie madarakani mwaka 2020 amekuwa akipata ushirikiano mkubwa kutoka kwa Mkurugenzi wa Halmashauri ya Mlimba,ambapo katika kata yake toka mwaka 2021 kwa nyakati tofauti kata yake imepokea fedha za maendeleo zaidi ya milioni 200 kwa ajili ya ujenzi wa vyumba vya madarasa katika shule za msingi na sekondari,ujenzi wa zahanati na uchimbaji wa visima.

 Pia, alimshukuru Rais wa Jamhuri ya Muungano wa Tanzania Dkt.Samia Suluhu Hassan kwa uamuzi wake wa kumteua Mhandisi Stephano Bulili Kaliwa kuhudumu nafasi ya ukurugenzi kwa halmashauri ya Mlimba.

“Sisi wananchi wa Utengule tunaimani kubwa kwa viongozi wetu wa halmashauri ya Mlimba pamoja na ofisi ya mbunge wa Jimbo la Mlimba”alifafanua.

Alisema kuwa kata yake wakati akipoingia madarakani alikuwa ikiwa na shule moja ya msingi lakini kwa sasa kata yake ina shule ya msingi 5,alikuta maboma matatu lakini kwa sasa kata hiyo ina miradi mbalimbali ya ujenzi ikiwemo ujenzi wa jengo la zahanati ya kisasa.