CWT WATOA KONGOLE KWA RAIS SAMIA KUJALI MASILAHI YA WALIMU

 Rais wa Chama Cha Walimu Tanzania,Leah Ulaya akisisitiza Jambo wakati akiongeana na waandishi wa habari,Mjini Morogoro

 CWT WATOA KONGOLE KWA RAIS SAMIA KUJALI MASILAHI YA  WALIMU

Na Thadei Hafigwa,Morogoro

CHAMA wa Walimu Tanzania (CWT) wameridhishwa na kasi ya Rais wa Jamhuri ya Muungano wa Tanzania,Dkt.Samia Suluhu Hassan katika kuzitafutia ufumbuzi changamoto zinazowakabili walimu hapa nchini ikiwemo masilahi na mazingira rafiki kazini.

Leah Ulaya,Rais wa chama wa Walimu Tanzania(CWT) alitoa pongezi kwa Serikali ya Awamu ya Sita chini ya  Rais Samia Suluhu Hassan Mei 2,2023 siku moja baada ya maadhimisho ya siku ya wafanyakazi duniani ambayo kitaifa ilifanyika mkoani Morogoro.

“Ninapenda kwa niaba ya taasisi ninayoiongoza,na walimu wote,nitumie fursa hii kumpongeza na kumshukuru Mama yetu Mhe.Dkt.Samia Suluhu Hassan kwa hotuba nzuri, yenye hamasa na kutia moyo kwa walimu wote nchini”Alisema Leah Ulaya Rais wa CWT.

Alisema kuwa walimu wameguswa sana na hutuba ya Rais Samia ambayo iligusa mambo muhimu na nyeti sana,kwa mustakabali wa walimu na elimu nchini,kwamba katika hotuba hiyo iligusa utatuzi wa wazi kwa baadhi ya changamotoambazo walimu walikuwa nazo.

Rais wa CWT taifa,Leah Ulaya,akihamasisha walimu wimbo wa mshikamano wakati alipoongea na waandishi wa habari Mjini Morgoro,Mei2,2023.

Katu Mkuu wa CWT taifa,Japhet Maganga alisema walimu wamekuwa na matumaini makubwa kwa serikali ya Awamu ya Sita chini ya Rais Samia kwamba imekuwa ikijali masilahi mapana ya walimu ambapo changamoto nyingi zinazowakabili walimu kwa kipindi kirefu zimeanza kutafutiwa ufumbuzi.

Maganga alisema kuwa walimu wamekuwa na mwamko mkubwa wa kushiriki shughuli mbalimbali za kiserikali,ambapo robo tatu ya watu walioshiriki kwenye siku ya wafanyakazi walimu walitia fora kwa kujitokeza kwa wingi ikiwa ni kuonesha kumuunga mkono Rais Samia.

Aidha,alitaja mambo kadhaa ambayo walimu wameboreshewa toka Rais Samia kuingia madarakani miaka miwili iliyopita ambayo ni pamoja na upandaji w madaraja na kubadilishia miundoya utumishi kwa wote waliostahili,kuendeslea kuboreshwa kwa miundombinu ya elimu ikiwemo ujenzi wa madarasa.

Alitaja mengine ni pamoja na kutoa ajira mpya 13,000,ugawaji wa vishikwambi kwa walimu wote,kwamba ahadi iliyotolewa na Rais Samia katika hotuba yake kwa wafanyazi ya kuendelea kupandisha madaraja kwa walimu,nyongeza ya mishahara ya kila mwaka,posho ya kufundishia na utoaji wa ajira mpya kwa walimu zitatekelezeka kutokana na kasi ya utendaji wake wa kazi toka aingie madarakani.

Jumanne Nyakirang’ani ni Mwenyekiti wa Chama cha Walimu mkoa wa Morogoro kwa upande wake amempongeza Rais Samia Suluhu Hassan kuonesha dhamira yake ya kuwaheshimisha walimu kusikiliza kero zao.

Rais wa CWT Taifa,Leah Ulaya akiongea na Waandishi wa Habari Mjini Morogoro

Nyakirang’ani alisema kuwa  taifa lolote duniani haliwezi kupiga hatua iwapo mchango wa walimu hautambuliwa na kuheshimiwa,hivyo kitendo cha Rais wa Jamhuri ya Muungano wa Tanzania Dkt.Samia Suluhu Hassan kuboresha masilahi ya walimu ni jambo la kupongezwa sana.

Awali,Katibu wa CWT Mkoa wa Morogoro,Alphance Mbassa alisema kuwa Walimu Mkoa wa Morogoro wanaupongeza uongozi wa CWT taifa kwa kuonesha utashi wa kumshukuru Rais wa Jamhuri ya Muungano wa Tanzania Dkt.Samia Suluhu Hassan ambaye ameonesha kujali mchango wa walimu hapa nchini.

Mbassa alisema kuwa hatua ya uongozi wa CWT taifa kuweka program ya kutoa shukran kwa Rais Samia ni somo kwa wadau wengine kuendeleza utamaduni huo ili kuleta umoja na mshikamano.