'WAFANYAKAZI’ SHIRIKA LA MZINGA WAMUOMBA RAIS SAMIA

                          BW.ERICK MSHANA MIONGONI MWA WALALAMIKAJI

         'WAFANYAKAZI’ SHIRIKA LA MZINGA WAMUOMBA RAIS SAMIA

Na.Mwandishi wetu

WALIOKUWA wafanyakazi 15 wa Shirika la Mzinga lililopo mkoani Morogoro ambao waliofukuzwa kazi kwa kosa la ujazaji wa fomu ya OPRAS kwenye kumbukumbu za elimu zao wamemuomba Rais wa Jamhuri ya Muungano wa Tanzania,Dkt.Samia Suluhu Hassan baada ya kukosa ufumbuzi kwenye malalamiko yao kutoka mamlaka za chini.

Rais wa Jamhuri ya Muungano wa Tanzania,Dkt.Samia hivi karibun alitoa msamaha kwa wafanyakazi waliokuzwa kazi kutokana na kuwa na vyeti feki kupewa mchango yao asilimia 5 waliychangia kwenye mifuko ya kijamii lakini hali hiyo ni tofauti kwa kundi hilo la watu 15.

Ni Miaka 5 sasa toka kundi hilo la wafanyakazi waliofukuzwa kazi na mwajiri wao lakini licha ya kuwepo nyaraka mbalimbali zinazoeleza kurudisha kazini lakini hakujapatiwa ufumbuzi.

Erick Mshana, Carol Temba na Yusuph Mbonde wakiongea kwa niaba ya wenzao,walidai  kuwa msingi wa kumuomba Rais Samia awasaidie kutokana na maelekezo yaliyowahi kutolewa na Katibu mkuu utumishi ofisi ya manejimenti ya watumishi wa umma na utawala bora kwa waajiri wote nchini na wakuu wa taasisi kupitia barua yenye kumb.na.CFB.228/290/01 “Y”/44 ya tarehe 24 septemba 2018 5 (B), (C), (D) na (E) inayofafanua juu ya sakata la wafanyakazi kurejereshwa kazini na kupewa stahiki zao.

                Bw.Yusuph Mbonde miongoni mwa waliofukuzwa kazi

“Mimi awali niliajiriwa nafasi ya dereva msaidizi nikiwa na elimu ya darasa la saba baadae nikapandishwa daraja na kuwa dereva nilihudumu kwa miaka 14 lakini nilifukuzwa kazi kwa madai ya kukosa kujaza fomu ya OPRAS kuwa anaufulu wa kidato cha nne”

“Tulijiendeleza elimu ya sekondari kwa kufanya mtihani wa QT ingawa hatukufaulu lakini tukajikuta tunafukuzwa kazi na mwajiri kwamba tumeghushi taarifa zetu jambo si kweli.”Yusuph Mbonde

Maelekezo ya serikali ni kwamba ilitakiwa kuhakikiwa index namba ikiwa ni kuthibitisha kufanya mitihani tajwa kwamba walitakiwa kurudishwa kazini kama watumishi wengine.

Waathirika wao walifukuzwa kazi kati ya mwaka 2017 hadi 2019 wamemuomba Rais Samia kuingilia kati sakata lao ambalo limegubikwa na sintofahamu baina ya waathirika hao na  mamlaka za chini kushindwa kulipatia ufumbuzi.

Walidai kuwa watumishi wenzao waliokuwa na sifa hizo katika shirika hilo walirudishwa kazini isipokuwa wao, walilazimika kufuatilia bila ya mafanikio hadi sasa,kwamba wao waliajiriwa kwa sifa za darasa la saba kabla ya Mei,2004 kwamba walijiendeleza kwa elimu ya sekondari lakini hawakufaulu.

Erick Mshana ambaye alifanyakazi kwa miaka 29, alisemai kuwa awali serikali ilitoa msamaha kwa wale waliojiendeleza kielimu katika kiwango cha elimu ya baada ya kutokea sintofahamu hiyo wamelazimika kupekea maombi yako kwa Rais Samia ili kuangalia uwezekano wa kuomba suala hiyo ili liweze kupatiwa ufumbuzi kwa kadri ya changamoto zao.

 “kosa tunalotuhumiwa kwenye ujazaji wa fomu za OPRAS inayotaka kueleza kiwango cha elimu,tulijaza kiwango cha elimu ya sekondari baada ya kujiendeleza licha ya kuwa hatukufaulu kwamba hakuna nyaraka yoyote ya kughushi kwenye taarifa zetu za ajira.”Alisema Mshana.

 Bw.Carol Temba miongoni mwa wanaomwomba huruma ya Rais Samia Suluhu Hassan

Aidha,Carol Temba alidai kuwa zoezi hilo lilifanyika tofauti na ilivyotarajiwa kwani baadhi yao walirudishwa lakini wao walifukuzwa kazi na waliendelea kufuatilia kwa miaka mitano sasa bila ya mafanikio.

Walidai ya kuwa kilio chao ni cha muda mrefu lakini mpaka sasa licha ya kuwepo kwa jitihada mbalimbali ili kutafuta haki zao bado juhudi hizo hajaleta mafanikio,hivyo wameomba Rais Samia awasaidie ili kupata haki zao kurudishwa kazini na stahiki zao kama walivyowa tumishi wengine nchini waliorudiwa kazini.