Fundi wa jengo la choo cha zahanati Malipula,Chamwino adai fidia mil.8,250,000

 FUNDI WA JENGO LA CHOO ZAHANATI YA MALIPULA,CHAMWINO,hamwino adai fidia mil.8,250,000

Na Mwandishi wetu,Morogoro

HALMASHAURI ya Manispaa ya Morogoro huenda ikafikishwa mahakamani iwapo fidia ya shilingi mil 8,250,000 hakitalipwa kufuatiwa kukiukwa kwa mkataba wa ujenzi wa  wagonjwa katika zahanati ya Malipula iliopo Kata ya Chamwino mjini humo.

Kusudio hilo la kuifikisha Manispaa ya Morogoro Mahakamani limetokana na Adrian Mugalula ambaye ni fundi wa ujenzi aliingia mkataba wa ujenzi wa jengo la choo na miundombinu ya maji taka na maji safi na mganga mfawidhi wa zahanati  ya Malipula  kwa niaba ya Mkurugenzi wa Manispaa ambapo mkataba mnamo mei 26,2021.

Mugalula alidai ya kuwa kwa upande wake alitimiza wajibu wake kama fundi katika kipindi chote cha mkataba lakini ilipofika hatua za mwisho ya kukamilisha ujenzi hupitia utaratibu wa ‘force account’ bila ya kupata maelezo kutoka upande wa ofisi ya Mganga Mfawidhi wa zahanati hiyo wakasitisha utoaji wa fedha za ujenzi kinyume na mkataba.

“baada ya kuona hali hiyo niliwasilisha na mwanasheria wangu na kupeleka hoja zangu ofisi ya Mkurugenzi wa Manispaa ili kushughulikia suala langu kinyume cha hapo ninakusudia kuishitaki manispaa ya Morogoro.”Alidai Mugalula.

Hata hivyo,pamoja na kupeleka kusudio hilo mpaka sasa  hakuna kinachoendelea hali ambayo inazua sintofahamu kwa Mugalula na hivyo kulazimika kuanza mchakato wa kufikisha madai yake kwenye vyombo vya sheria.

Akitoa mchanganuo wa madai yake Mugalula anaidai manispaa shilingi 75,000 gharama za kuwalipa mafundi wasaidizi,fundi mkuu shilingi 3,875,000,usafiri wa mafundi kutoka sangasanga hadi eneo la kazi(chamwino) sh.93,000,gharama za maji 38,000 na kufanya gharama halisi ya uvunjwaji wa mkataba ni sh.4,005,000 huku gharama nyingine za usumbufu ikitadaiwa ni shilingi 4,245,000 na kufanya jumla kuu ya fedha zinazodaiwa kulipwa na manispaa ya Morogoro ni shilingi mil.8,250,000.

Hata hivyo,uchunguzi uliofanywa umebaini ya kuwa mpaka sasa hakuna shauri lolote lililofunguliwa dhidi ya manispaa ya Morogoro kuhusiana na madai hayo.

Wadau wa maendeleo kutoka kata ya Chamwino ambao hawakupenda majina yao yachapishwe alisema kuwa suala hilo linaweza kuzungumzika iwapo pande zote mbili zikakaa meza ya mazungumzo kwa masilahi mapana ya pande zote kupitia upya vipengele vilivyopo kwenye mkataba badala ya kukimbilia mahakamani.