WAZIRI NAPE AFUNGUA KONGAMANO LA MAENDELEO SEKTA YA HABARI JIJINI DAR

 Waziri wa Habari, Mawasiliano na Teknolojia ya Habari Nape Nnauye(wa tatu kutoka kushoto) aliposhiriki kwenye Kongamano la Maendeleo ya sekta ya habari Jijini Dar akiwa katika picha ya pamoja na maafisa wengine wa serikali.

  

WAZIRI NAPE AFUNGUA KONGAMANO LA MAENDELEO  SEKTA YA HABARI JIJINI DAR

Na Lilian Lucas,Dar es Salaam

WADAU wa sekta ya habari nchini wameshiriki katika Kongamano la Maendeleo ya Sekta ya Habari 2022 Jijini Dar Es Salaam katika ukumbi wa kimataifa wa Julius Nyerere international convention center(JNICC) ikiwa ni mkakati wa serikali ya awamu ya sita ya Jamhuri ya Muungano wa Tanzania iliyojipambanua kuboresha demokrasia na uhuru wa kujieleza.

Rais wa UTPC,Deogratius Nsokolo  wa pili kutoka Kulia,akifuatilia kwa karibu kongamano la maendeleo sekta ya habari Jijini Dar es Salaam,kushoto kwake ni Kenneth Simbaya Mkuregenzi Mtendaji wa UTPC kutoka kulia kwake ni Lilian Lucas,Mwenyekiti wa kamati ya fedha na Mipango wa UTPC. 

Kongamano hilo lilifunguliwa na Waziri wa Habari, Mawasiliano na Teknolojia ya Habari Nape Nnauye ambapo pamoja na kufanya ufunguzi alitoa tuzo kwa baadhi ya waandishi wa habari waliotoa mchango wao katika kuhabarisha umma katika sekta ya madini,elimu na ujenzi.

Mada mbalimbali zilitolewa huku Mkurugenzi Mtendaji wa Umoja wa Klabu za waandishi wa Habari,Kenneth Simbaya alielezea mchango wa waandishi wa habari waliopo mikoani ukiwa mkubwa licha ya changamoto mbalimbali zinazowakabili.

Mkurugenzi Mtendaji wa UTPC,Kenneth Simbaya alitoa mada mchango wa Klabu za waandishi wa habari katika Tasnia ya habari nchini

Simbaya alisema kuwa UTPC kwa kushirikiana na washirika wake waliweza kufanikisha kuendesha midahalo mbalimbali ikiwemo uhuru wa kujieleza,haki ya kupata taarifa na usalama wa waandishi wa habari.

“Tuliweza kuendesha midahalo na jeshi la Polisi mikoani,ombi letu ni kuungwa mkono na serikali na wadau wengine katika kuhakikisha waandishi wa habari wanafanya kazi kwa usalama”Alisema Simbaya.

Aliishukuru serikali ya awamu ya sita kuwa kuonesha utayari wake katika kuhakikisha ya kuwa haki ya kupata taarifa inakuwa kipaumbele katika kuimarisha demokrasia na utawala bora.

Mkurugenzi Mtendaji wa UTPC,Kenneth Simbaya wa kwanza kushoto akiiungana na wadau wengine kufuatilia kwa makini kongamano hilo.

Kwa upande wake,Mkurugenzi wa TBC Dkt.Ayoub Lioba alielezea mafanikio ya vyombo vya habari toka uhuru  wa Tanganyika (Tanzania bara) mwaka 1961 kwamba kwa sasa kuna mabadiliko makubwa ya kimaendeleo katika tasnia ya habari.

Dkt.Lioba alisema changamoto iliyopo katika sekta ya habari kwamba uwepo wa uhuru wa kupata habari uende sambamba na nini cha kufanya baada ya kuwa na uhuru wa habari.

Alisema kuwa badala viongozi wa kitaifa kufanya ziara kwenye maeneo mbalimbali hapa nchini na kuibua ubadhirifu jukumu hilo linapaswa kufanywa na waandishi wa habari kwa kufuata misingi ya habari za uchunguzi.

Hili ni kongamano la kwanza lililoandaliwa katika sekta ya habari na kuwashirikisha wadau wa sekta ya habari kutoka maeneo mbalimbali nchini limefungua ukurasa mwingine wa kujadili na kutoa mapendekezo ya kuboresha sekta ya habari hapa nchini.