WAANDISHI WA HABARI MORO WAJENGEWA UWEZO ELIMU,MAFUTA NA GESI ASILIA

 MENEJA WA MRADI TPDC,ASIAD MRUTU AKISISITIZA JAMBO WAKATI WA SEMINA NA WAANDISHI WA HABARI MOROGORO

WAANDISHI WA HABARI MORO WAJENGEWA UWEZO ELIMU,MAFUTA NA GESI ASILIA

Na Loveness Nyawili,Morogoro

JUMLA ya waandishi wa habari 16 kutoka vyombo mbalimbali vya habari Mkoani Morogoro wamepatiwa semina utendaji wa kazi wa shirika la maendeleo ya Petroli na Tanzania(TPDC) ikiwa ni mkakati maalum wa ushirikishwaji wa wadau unaoendeshwa na shirika hilo.

 Semina hiyo imefunguliwa na Mstahiki Meya wa Manispaa ya Morogoro Paschal Kihanga alisema kuwa waandishi wa habari wanajukumu kubwa la kupasha habari kwa umma hivyo Shirika la TPDC kimefanya uamuzi sahihi wa kuwapa elimu waandishi wa habari.

Kihanga alisema kuwa juhudi zinazaofanywa na serikali za kuwaletea maendeleo wananchi haziwezi kufahamika vema iwapo vyombo vya habari havitatimiza wajibu wao,hivyo alitoa wito kwa waandishi wa habari kutumia kalamu zao vema katika kuhabarisha umma.

Alisema kuwa matumizi ya gesi asilia kama nishati mbadala itapunguza ukataji wa miti na kuchochea matumizi ya nishati safina kuwezesha wananchi kuwa na afya bora na kuepukana na uchaguzi wa mazingira na kuifanya kuifanya nchi kuwa jangwa.

BAADHI WAANDISHI WA HABARI WALIOSHIRIKI KATIKA SEMINA HIYO WAKIWA MAKINI KUFUATILIA SEMINA HIYO WA KWANZA KULIA NI NICKSON MKILANYA,MWENYEKITI MOROPC,JACOB SONYO KATIKATI MWANDISHI WA HABARI AYO TV NA SIFUNI MSHANA MWANDISHI ITV (PICHA NA LOVENESS NYAWILI)

Katika hotuba yake Mstahiki meya alisema kuwa taarifa zilizopo sasa zinaeleza kuwa Mikoa ya Morogoro na Pwani vimekuwa vinara wa ukataji wa miti kwa ajili ya mkaa hivyo ni jukumu la waandishi wa habari kuwasaidia wananchi kuacha ukatajiwa miti na badala yake wananchi wapande miti ili kuepuka jangwa.

Katika semina hiyo waandishi wa habari wakiongozwa na mwenyekiti wao Nickson Mkilanya wa chama chao cha waandishi wa habari Mkoa wa Morogoro(Morogoro Press Club)  walipitishwa kwenye mada mbalimbali fursa zilizopo katika mkondo wa juu na utekelezaji wa miradi ya kimkakati ya TPDC,gesi asilia na fursa zake katika mkondo wa kati na chini ya petrol na mradi wa bomba la mafuta ghafi la afrika mashariki(EACOP).

Asiad Mrutu ni meneja mradi wa TPDC alisema kuwa serikali ya Tanzania imetoa kiasi cha shilingi bilioni 267 ikiwa ni mchango wake  katika utekelezaji wa mradi wa EACOP kupitia shirika la maendeleo ya petrol Tanzania.

MENEJA MRADI TPDC,ASIAD MRUTU AKIWASILISHA MADA (ALIYESIMAMA) KATIKATI NI ASHTON BALAIGWA MWANDISHI WA NIPASHE NA MAKAMO MWENYEKITI MOROPC,ANAYEFUATA NI OMAR HUSSEIN MWANDISHI WA HABARIWA STARTV MOROGORO(PICHA NA LOVENESS NYAWILI)

Mrutu alisema alibainisha baadhi ya maendeo ya mradi hupo yaliopo nchini Tanzania lot 2 yenye kilombera 614 kutoka Mtukura hadi singida na kuhusisha vituo vya pampu 4,vituo vya umeme 8 na kambi za ujenzi 7 huku lot 3 ikuhusisha kilombeta 533 kutoka Mkoa wa Singida Tanga ambapo kutakuwa na vituo 2 vya kupunguza msukumo(PRS),vituo vya umeme 6 na kambi za ujenzi 7.

Kwa upande wake,Eva Swillah Afisa TPDC alitaja viwanda vya kuchakata gesi asilia ni PAET-songosongo,M&P-Mnazi bay,TPDC-Madimba,TPDC-Songosongo ambapo asilimia 70 ya umeme unaozalishwa na Tanesco unatokana na gesi asilia.

Sallah pia alibainisha kuwa gesi asilia inatumika katika kuendeshea mitambo viwandani ambapo viwanda vipatavyo 53 na nyumba takribani 1500 vimeunganishwa katika mtandao wa gesi asilia kwa matumizi ya kupikia majumbani huku ikikadiriwa kuwa magari 1500 yanatumia gesi asilia katika kama nishati mbadala wa petrol na dizeli.