UTPC SASA KUELEKEA JIJINI DODOMA, YAHAMISHA OFISI YAKE JIJINI MWANZA

        RAIS WA UMOJA WA KLABU ZA WAANDISHI WA HABARI(UTPC),       DEOGRATIUS NSOKOLO AKITOA NASALA ZAKE KWA WAJUMBE WA MKUTANO MAALUM WA WANACHAMA WA UTPC,JIJINI DAR ES SALAAM 

UTPC SASA KUELEKEA JIJINI DODOMA, YAHAMISHA OFISI YAKE JIJINI MWANZA

Na Mwandishi Maalum,Dar

VIONGOZI wa Klabu za waandishi wa Habari nchini Tanzania,wamekutana jijini Dar es Salaam kuhudhuria mkutano maalum huku kukiwa na ajenda ya kuwepo mabadiliko ya katiba ya umoja wa Klabu za waaandishi wa habari (UTPC) ikiwa ni mkakati wa utekelezaji wa kauli mbiu ‘good to great.’

Kwa mujibu wa waraka wa mkurugenzi mtendaji wa Klabu za waandishi wa Habari Tanzania(UTPC) Kenneth Simbaya kwa viongozi wa Klabu alisema mkutano huo ni licha ya kuwa ni mkutano wa kawaida lakini umelenga kuweka mikakati ya kuleta mabadiliko chanja kwa kufuata kauli mbiu ya kuipeleka taasisi ya UTPC kutoka hali nzuri kuelekea hali nzuri zaidi.

RAIS WA UTPC DEOGRATIUS NSOKOLO WATATU KUTOKA KULIA AKIONGOZA MKUTANO MKUU MAALUM WA WANACHAMA WA UTPC,KUSHOTO KWAKE NI MKUGENZI MTENDAJI WA UTPC,KENNETH SIMBAYA.

Mbali ya hayo,wajumbe wa mkutano mkuu uliofanyika Desemba 6,2022 katika ukumbi wa millennium tower 2- Kasenga,wamefikia azimio la kuhamisha makao makuu ya UTPC kutoka Jijini Mwanza na kuhamia makao makuu ya serikali Jijini Dodoma.

Wakati huo huo,Simbaya alibainisha ya kuwa mbali na agenda hizo pia kutakuwa na hafla maalum ya kumpongeza Mkurugenzi Mtendaji mstaafu wa UTPC,Abubakar Karsan ambaye alihudumu kwa uadilifu taasisi hiyo kwa miongo kadhaa na kuleta mafanikio makubwa ya Klabu za Waandishi wa habari ambayo chini ya rais wake Deogratius Nsokolo ambaye pia ni Mwenyekiti wa Kigoma Press Club.