RC MWASA: MBOLEA NI PEMBEJEO MUHIMU KATIKA KUONGEZA TIJA, WADHIBITI UBORA WA MBOLEA WAASWA

                       MKUU WA MKOA WA MOROGORO FATUMA MWASAA

Na Lilian Lucas, Morogoro

MKUU wa mkoa wa Morogoro Fatuma Mwasa amesema mbolea ni moja ya pembejeo muhimu katika kuongeza tija ya uzalishaji hivyo matumizi ya mbolea bora yanahitajika ili kuongeza mavuno na malighafi mbalimbali zinazotumika viwandani.

Amesema hayo mjini Morogoro wakati wa ufunguzi wa mafunzo ya udhubiti ubora wa mbolea kwa wadhibiti kutoka mikoa 19 ya Tanzania bara yaliyoandaliwa na Mamlaka ya Udhibiti wa Mbolea Tanzania(TFRA).

Alisema katika kuelekea uchumi wa viwanda, mahiyaji ya malighafi ambayo kwa zaidi ya asilimia 70 ni mazao ya kilimo yataongezeka sana na kwa vile maeneo ya uzalishaji yatabaki vilevile ni wazi kwamba kuna kila njia ya kuongeza tija ya uzalishaji.

    WASHIRIKI WA MAFUNZO YA WADHIBITI UBORA WA MBOLEA

Aidha, Mwasa amesema katika miaka mitano iliyopita Tanzania imekuwa ikitumia mbole kati ya tani 300,000 na 500,000 za mbolea aina mbalimbali kwa mwaka ambayo ni sawa na asilimia 30-50 ya lengo la kutumia tani 1 milioni kwa mwaka.

Mkuu huyo wa moa wa Morogoro amesema mkakati wa kuongeza matumizi ya  mbolea kwa sasa umekuwa na umuhimu wa kipekee hasa ikizingatiwa kwamba serikali imeweka  lengo la kuifanya Tanzania  kuwa nchi ya uchumi unaotegemea viwanda.

Amewataka wadhibiti hao ubora baada ya kuhitimu mafunzo hayo kuhakikisha wanatumia mwongozo maalumu wa udhibiti ubora wa mbolea(Standard Operating Procedure(SOP) for Fertilizer Quility Assurance Officers in Tanzania) ambao umeandaliwa mahususi kwa ajili yao.

WASHIRIKI WA MAFUNZO YA UDHIBITI WA MBOLEA WAKIWA KATIKA PICHA YA PAMOJA

Aidha, amesema pamoja na uwepo wa changamoto mbalimbali ikiwemo wafanyabashara wachache ambao hufanya vitendo mbalimbali vya kupunguza ubora wa mbolea kwa kujua ama kutojua jambo linalopelekea mbolea kupungua ubora wake ni vyema hatua za kisheria zikachukuliwa dhidi ya wafanyabiashara hao.

Kaimu mkurugenzi mtendaji wa TFRA Happness Mbelle amesema tfra imeendelea kushirikiana wadau mbalimbali katika mnyororo wa thamani wa mbolea ili kuhakikisha mbolea inayopatikana nchini inatosha na inakuwa na ubora uliokusudiwa , huku ikiimalisha mawasilino kati ya Serikali na wadau wengine wa mbolea.

Mbelle amesema mamlaka imekuwa ikifanya kaguzi kushirikiana na maafisa wa halmashauri kwa ajili ya kuhakikisha mbolea zilizopo sokoni zinaendelea kuwa na ubora unaotakiwa, pamoja na kuhamasisha uwekezaji wa viwanda vya mbolea nchini ili upatikanaji unakuwa wa kutosha.

Vilevile, amesema mwaka 2022/2023 Serikali imetoa sh 150 milioni kwa ajili ya ruzuku ya wakulima na TFRA ni chombo kilichokasimiwa madaraka kwa ajili ya kuhakikisha ruzuku inakwenda sawa na lengo kuu ni kupunguza makali ya bei ya mbolea kwa wakulima na kuongeza uzalishaji wa tija katika kilimo, kuhakikisha usalama wa chakula nchini na kuongeza malighafi kwenye viwanda.

Pia, amesema lengo kuu ni kutengeneza wadhibiti ambao watakuwa wanafanya kaguzi katika maduka na sehemu mbalimba ili kuhakikisha mbolea inayopatikana inakuwa ya ubora wa kutosha.

Mbelle amesema mpaka sasa wadhibiti 140 wamepatiwa mafuzno na wanaendelea kufanya kazi na halmashauri.