VIONGOZI WA KLABU ZA WAANDISHI KUZINGATIA UTAWALA BORA

BI.LILIAN LUCAS,MWENYEKITI WA KAMATI YA FEDHA NA MIPANGO(UTPC)

VIONGOZI WA KLABU ZA WAANDISHI KUZINGATIA UTAWALA BORA

Na Mwandishi wetu,Dodoma

MAKAMU wa Rais wa Muungano  wa Klabu za waandishi wa Habari Tanzania (UTPC) Bi Pendo Mwakyembe ametoa wito kwa viongozi wa Klabu za wanahabari nchini kuongoza kwa kuzingatia misingi ,Kanuni na katiba zao.

Wito huo umetolewa Jijini Dodoma hivi Karibuni katika mafunzo ya uongozi na Usimamizi wa fedha kwa viongozi wa klabu yaliyowakutanisha wenyeviti ,Makatibu,waweka hazina ,waratibu na wajumbe wa kamati za utendaji kutoka mikoa mitano ili kuboresha klabu zao kuwa na uongozi bora.

Kwa upande wake, Mwenyekiti wa kamati ya fedha na Mipango wa (UTPC) ambaye pia ni Katibu mtendaji wa Chama cha Waandishi wa Habari Morogoro (MOROPC) Bi.Lilian Lucas Kasenene amehimiza viongozi wa klabu kutatua changamoto zinazojitokeza katika vyama vyao ikiwemo migogoro ndani ya vyama huku akibainisha kuwa ripoti mbalimbali za ukaguzi na tathmini ambazo UTPC imefanyiwa na taasisi za Delloite na FCG zinaonyesha mapungufu na namna ya kukabiliana nazo ili kuleta uimara ndani ya taasisi.

Naye, Afisa programu na Mafunzo wa UTPC Bwana Victor Maleko ameeleza kuwa ni vyema klabu za waandishi kutumia fursa za mafunzo hayo kwa kufungua ukurasa mwingine wa kutumia uzoefu uliopatikana kwenda kubadili mifumo ili kuondosha migongano katika uongozi ulipo

Mafunzo hayo yamewakutanisha viongozi kutoka mikoa ya Morogoro ,Katavi,Mbeya,Songwe na Rukwa