WALIMU KILOSA WAHAMASIKA KUJIUNGA NA BENKI YAO

Baadhi ya washiriki wa mkutano mkuu wa chama cha walimu Kilosa wakiongozwa na viongozi wa chama hicho,ngazi ya Wilaya,Mkoa na Wawakilishi wa Taifa.

 

WALIMU KILOSA WAHAMASIKA KUJIUNGA NA BENKI YAO

Na Thadei Hafigwa

MWENYEKITI wa chama cha walimu Wilaya ya Kilosa  Richard Shagungu amesema kuwa walimu wilayani humo wamehamasika katika kujiunga na benki ya walimu licha ya kuwepo kwa changamoto zinazoikabili benki hiyo.

Shagungu allbainisha hayo,wakati wa mkutano mkuu wa walimu wa Wilayani humo na kuongeza kuwa walimu wamekuwa na mwitiko mkubwa ili kuhakikisha ya kuwa benki hiyo inaimarika katika mfumo. 

Mwenyekiti wa CWT Wilaya ya Kilosa,Rishard Shagungu akitoa nasaha na mkakati wa chama hicho katika wilaya yake.

“Ninatoa wito kwamba watendaji wa benki hiyo kuendelea kutoa hamasa kwa kutembelea wilayani ili walimu waendelee kuwa na imani kwa benki yao”Alisema

Aidha,Shagungu alisema wilaya yake ina mipango mbalimbali ya kimaendeleo ili kuwapunguzia changamoto za walimu ikiwemo usafiri ikiwa ni mkakati wa kuhakikisha ya kuwa walimu wanakuwa katika mazingira mazuri katika utendaji wa kazi zao.

Shagungu katika mpango mkakati huo alibainisha ununuzi wa gari kwa ajili ya kuwasaidia walimu wilayani huo wanapopata msiba na matatizo mengine ya kijamii waweze kuzikabili kwa haraka.

wajumbe wa mkutano huo,walipitisha mpango wa ununuzi wa gari kwa kauli moja huku wakijiwekea lengo la mwaka mmoja kukamilisha mpango huo ili uwanufaishe walimu wilayani Kilosa na hivyo kuwa chachu ya maendeleo ya walimu katika mkoa wa Morogoro.

Mwenyekiti wa chama hicho Wilaya ya Kilosa,Richard Shagungu alisema ofisi yake kabla ya kuwasilisha hoja ya ununuzi wa gari walifanya utafiti na kubaini ya kuwa walimu wanapopata msiba licha ya kupewa stahiki na mwajiri wao lakini wamebaini kuna huduma za haraka zingeweza kutatuliwa iwapo wangekuwa na gari.

Shagungu alisema kuwa kiasi cha shilingi milioni 61 zitatumika katika kugharamia ununuzi wa gari la walimu Wilaya ya Kilosa,ambapo itakuwa ni Wilaya ya kwanza kwa mkoa wa Morogoro kumiliki gari.

Katika mkutano huo ulihudhuriwa na viongozi mbalimbali katika ngazi ya wilaya,Mkoa na wawakilishi wa taifa,ambapo kwa upande wake Mwenyekiti wa chama cha walimu Mkoa wa Morogoro,Jumanne Nyakirang’ani alitumia mkutano huo kumpongeza Rais wa Jamhuri ya Muungano wa Tanzania,Samia Suluhu Hassan kwa kuwapandisha madaraja ya walimu na kulipa madeni yaliyokuwa wakidai kwa kipindi kirefu.

Mwenyekiti wa CWT Mkoa wa Morogoro,Jumanne Nyakiran'gani kushoto akitoa hotuba yake katika mkutano mkuu wa Chama cha walimu Wilaya ya Kilosa

Nyakirang’ani alisema kuwa licha ya mazingira magumu lakini wamekuwa wakifanyakazi kwa uweledi na kusaidiana na serikali katika kampeni mbalimbali ikiwemo sense ambapo walimu walifanyakazi kwa uweledi mkubwa.

Kuhusu miundombinu za majengo na madarasa yamekuwa na vivutio hasa katika kipindi cha serikali ya awamu ya sita chini ya Rais Samia Suluhu Hassan hali inayowapa hamasa walimu kuwa na ari ya kufundisha.

Washiriki wa mkutano mkuu wa chama cha Walimu Wilaya ya Kilosa,wakiwafuatilia kwa karibu mwenendo wa Mkutano huo. 

Alisema kuwa,walimu wamekuwa nadhifu wakati wakitoka nyumbani lakini wanapofika mazingira ya shuleni wachafuka hivyo iwapo azima ya serikali itaendelea ya kuweka mazingira mazuri ya kujenga nyumba za walimu itasaidia kuboresha mazingira bora kwa walimu nyumbani na shuleni.

Aliwaasa walimu wakati wa kusimamia mitihani ya darasa la saba kwa uadilifu ili kupata wanafunzi waadilifu kwa kufanya mitihani yao bila ya udanganyifu.

Katika Mkutano huo pia wajumbe walifanya uchaguzi mwakilishi wa vyuo vya maendeleo ya wananchi (FDC) ambapo kwa Wilaya yaKilosa  aliyejitokeza kugombea nafasi hiyo alikuwa ni mmoja Mwalimu Ginslar Ngonyani Lulinda kutoka chuo cha maendeleo ya wananchi Kilosa.

Kaimu Katibu wa Chama cha Walimu Mkoa wa Morogoro (CWT) Herry Kavalambi,ambaye alikuwa msimamizi wa uchaguzi alitangaza Mwalimu Ginslar Ngonyani Lulinda kuwa mwalikishi wa vyuo vya maendeleo ya wananchi kwa kuchaguliwa kura 192 ,kura 4 ziliharibika na kura za hapana zilikuwa 13 kati ya kura 219 za wajumbe wote wa mkutano mkuu huo.