MARUFUKU MWANDISHI WA HABARI KUVUNJIWA VITENDEA KAZI-DC MSANDO

 MKUU WA WILAYA YA MOROGORO,ALBERT MSANDO(ALIYEVAA ) AKIONGEA KWENYE MDAHALO KATI YA WAANDISHI WA HABARI NA KAMATI YA ULINZI NA SALAMA WILAYA YA MOROGORO

MARUFUKU MWANDISHI WA HABARI KUVUNJIWA VITENDEA KAZI-DC MSANDO

MKUU wa Wilaya ya Morogoro Albert Msando, amezitaka Taasisi za serikali na halmashauri kuwapa ushirikiano waandishi wa habari kupata taarifa kwa wakati bila ya kuwepo na urasimu.

Msando alitoa rai hiyo Septemba 11,2022 wakati akifungua mdahalo kati ya wajumbe wa ulinzi na usalama na waandishi wa habari uliofanyika katika Bwalo la Umwema JKT ambapo aliwahakikisha waandishi wa habari kwamba kamati ya ulinzi na usalama wilaya ipo tayari kushirikiana na waandishi wa habari na kwamba  amekemea vikali tabia ya kuwanyanyasa waandishi wa habari katika wilaya yake ambapo pia aliwapongeza waandishi wa habari kufanya kazi kwa uweledi.

“Ni marufuku kwa taasisi na watumishi wa halmashauri kumzuia waandishi wa habari kutimiza wajibu wao,pia wasivunje kamera,simu au vitendea kazi,na badala kutumia njia ya kueleweshana”Alisema.

BAADHI YA WAJUMBE WA KAMATI YA ULINZI NA USALAMA WILAYA YA MOROGORO WALIOSHIRIKI KWENYE MDAHALO HUO,AKIWEMO KATIBU TAWALA WILAYA YA MOROGORO BI.RUTH JOHN ALIYEKETI MEZA KUU KULIA

Alisema kuwa waandishi wa habari wanafanyakazi kubwa sana katika kuripoti taarifa za maendeleo ili kuharakisha maendeleo ya wananchi waishio pembezoni.pia aliwakumbusha waandishi wa habari kuhakikisha ya kuwa wanatekeleza majukumu yao bila hofu kwa kuwa serikali ya awamu ya sita imeongeza uhuru wa kujieleza.

Alisema kuwa waandishi wa habari wasiandike habari zitakazoleta taharuki lakini pia wasiache kukosoa pindi inapojitokeza  kuna ukiukwaji wa maadili ya utumishi,kwamba kalamu yao inasaidia serikali kutambua kuwa kuna mambo yanafanyika na watumishi walio na uadilifu.

Aidha,Mkuu wa Wilaya aliwataka waandishi wa habari kuendelea kuripoti habari za maendeleo ya wananchi kupitia miradi ya kimkakati ikiwemo ujenzi wa bwawa la fufua umeme Bwawa la Mwalimu Nyerere ambalo sehemu ya mradi huo upo kwenye wilaya yake.

“Kusoeni kwa staha na hakuna mtu atakayewazuia kufanya hivyo,lililo la msingi ni kuzingatia sheria na katiba ya nchi ili kila mtu aweze kupata haki zake za msingi za kupata taarifa na kutoa maoni yenye kuleta tija”Alisema Mkuu wa Wilaya ya Morogoro ambaye pia ni mwenyekiti wa kamati ya ulinzi na usalama.

Awali Mwenyekiti wa Klabu ya waandishi wa habari mkoa wa Morogoro,Nickson Mkulanya alimshukuru Mkuu wa Wilaya na kamati yake ya ulinzi na usalama kwa kuonesha utayari wao wakati wote wa kufanyakazi na waandishi wa habari Morogoro.

MWENYEKITI WA MOROGORO PRESS CLUB,NICKSON MKILANYA(ALIYESIMAMA KUSHOTO) ALISISITIZA JAMBO KATIKA MDAHALO KATI YA WAANDISHI WA HABARINA KAMATI YA ULINZI NA USALAMA WILAYA YA MOROGORO

Mkilanya alimhakikishia mkuu wa Wilaya kwamba waandishi wa habari wa  morogoro wapo tayari kufanyakazi usiku na mchana katika kuhamasisha maendeleo ya wananchi  hususan waliopo pembezoni.

katika kikao hicho pia kilihudhuriwa na katibu tawala wa Wilaya ya Morogoro Bi Ruth John ambaye aliwakumbusha waandishi wa habari kutochoka kufanyakazi licha ya mazingira magumu waliokuwa nayo.

Bi.Ruth aliwapongea waandishi wa habari wa Morogoro ambao baadhi yao wamekuwa wapo mstari wa mbele katika wamekuwa wakijitoa kuwahudumia wananchi bila ya kujali ni mazingira gani yaliopo,mjini na vijijini,wenye kipato na wasio na kipato.