WAANDISHI WA HABARI,JESHI LA POLISI MOROGORO WAWEKEANA MKAKATI WA KIKAZI

 KAIMUKAMANDA WA POLISI MKOA WA MOROGORO SP,MORGAN MARUNDA AKISISTIZA JAMBO WAKATI WA MDAHALO NA KIKAO KAZI KATI YA WAANDISHI WA HABARI NA MAAFISA WA JESHI LA POLISI MOROGORO.

Na.Thadei Hafigwa,Morogoro

JESHI la Polisi Mkoa wa Morogoro na Waandishi wa habari wameazimia kutekeleza mambo manne katika utendaji wa kazi wao wa kazi ikiwa ni hatua ya kimkakati katika kuendeleza mahusiano na mawasiliano ya kikazi ikiwemo upatikaji wa taarifa kwa wakati na kukutana mara kwa mara katika taasisi zao.

Maazimio hayo yamefikia mjini Morogoro, katika mdahalo na kikao kazi kati ya Jeshi la Polisi na waandishi wa habari ikiwa ni mwendelezo wa mahusiano ya kikazi na ulinzi na usalama wa mwandishi wa habari,shughuli iliyoandaliwa na Klabu ya  Waandishi wa Habari(MOROPC) ,UTPC chini ya ufadhili wa shirika la IMS,akiwa ni mshirika mkuu wa programu hiyo..

Akiongea kwa niaba ya Kamanda wa Polisi Mkoa wa Morogoro,SP. Morgan Marunda alitaja maazimo hayo ni Polisi Mkoa wa Morogoro na Waandishi wa habari wameazimia kuendelea kuwa na mahusiano na mawasiliano ya kikazi.

SP. Morgan akianisha azimio lingine ni kwamba, vituo vya redio na Luninga vilivyopo Mkoa wa Morogoro vitaendelea kutoa nafasi bure kwa jeshi la polisi katika vipindi vya kuelimisha umma  ikiwa ni mapango maalum wa kuelimisha wananchi masuala mbalimbali katika upatikanaji wa huduma zizotolewazo na Polisi ili kuleta ustawi wa taifa.

MWANDISHI WA HABARI NA MWANACHAMA WA MOROPC, BI.ELIZABETH TANZANIA AKIKABIDHIWA KIZIBAO MAALUM (PRESS JACKET) KUTOKA KWA MWENYEKITI WA MOROPC,NICKSON MKILANYA HUKU MAAFISA WA POLISI MKOA WA MOROGORO WAKISHUHUDIA TUKIO HILO.

Kadhalika ,SP.Morgan alisema Jeshi la Polisi litatoa taarifa kwa wakati kwa kufuata njia sahihi ili waandishi wa habari waweze kuhabarisha umma katika masuala mbalimbali yanayotokana na kazi zinazofanywa na jeshi la Polisi.

Kwa upande wake Mwenyekiti wa Morogoro Press Club,Nickson Mkilanya amelishukuru Jeshi la Polisi kwa kuonesha utayari wake  wa kuondoa manung’uniko yaliokuwa yakiwasibu waandishi wa habari mkoani hapa katika upatikanaji wa taarifa kwa wakati katika Jeshi la Polisi..

MWENYEKITI WA MOROPC,BW.NICKSON MKILANYA AKITOA UFAFANUZI MASUALA MBALIMBALI YA KITAALUMA  KATIKA MDAHALO NA KIKAO KAZI KATI YA WAANDISHI WA HABARI NA JESHI LA POLISI.

Mkilanya amewashi waandishi wa habari kuendelea kuheshimu na kufuata sheria wakati wanapotimia wajukumu yao ambapo pamoja na mambo mengine waandishi wanapaswa kuunga mkono kampeni mbalimbali zinazofanywa na serikali ikiwemo chanjo na sensa ya watu na makazi ambayo inatarajiwa kufanyika Agosti 23,mwaka huu.

Aidha,katika tukio lingine Uongozi wa Klabu ya waandishi wa habari Mkoa wa Morogoro walitumia fursa hiyo kuendesha zoezi la uwagawaji wa vizibao(press jacket) ili kumrahisishia mwandishi wa habari kutambuliwa kwa urahisi wakati wa kutimiza majukumu yake kwa kuzingatia ulinzi na usalama katika mazingira hatarishi.

Katika Mdahalo huo uliwashirikisha waandishi wa Habari na Jeshi la Polisi,ambapo mada mbalimbali zilizotolewa ikiwemo mfumo wa utendaji wa jeshi la polisi katika utoaji wa taarifa kwa kuzingatia masilahi mapana ya wananchi,ulinzi na usalama kwa waandishi wa habari yalioenda sambamba na kufikiwa kwa maazimio ya kikazi baina ya pande zote mbili(Jeshi la Polisi na Waandishi wa habari)