RC ADAM MALIMA:HATUTAKI KWENYE MAONYESHO YA NANENANE KANDA YA MASHARIKI KULETEWA WANYAMA WALIOKONDEANA TUNATAKA WALIONONA

 RC ADAM MALIMA:HATUTAKI  KWENYE MAONYESHO YA NANENANE KANDA YA MASHARIKI KULETEWA WANYAMA WALIOKONDEANA TUNATAKA WALIONONA

Na.Lilian Lucas,Morogoro

WASHIRIKI wa maonyesho ya wakulima NanenaneKanda ya Mashariki wametakiwa kuhakikisha wanapeleka bidhaa zenye ubora, kuelimisha, yakiwemo Mazao na Wanyama walionona na sio waliokondeana.

Mkuu Mkoa wa Tanga Adam Malima, alisema hayo mkoani Morogoro kwenye kikao cha maandalizi ya Nanenane kanda ya Mashariki, inayoundwa na Mikoa minne ya Dar es salaam, Pwani, Tanga na wenyeji Morogoro ambapo maonyesho hayo yanatarajiwa kufanyika mkoani Morogoro katika viwanja vya Julius Nyerere Agosti 1,2022.

Malima alisema kumekuwa na tabia ya baadhi ya washiriki kwa maana ya watoa huduma kuleta bidhaa ambazo hazina ubora na kufanya maonyesho kutokuwa na mvuto na kwamba sasa seriksli itakagua kwa umakini wale wote watakaoleta bidhaa zao kwenye maonyesho hayo.

“Wanaoleta wanyama kwenye Zoo walete Simba na wanyama wengine walionona, kuna wakati aliletwa Simba kakondeanaa unajisikia aibu kumwangalia hii kwa sasa hatuitaki kwenye kanda yetu,”alisema Malima.

Aidha alisema Maandalizi yote yamekamilika, mashirika, taasisi za serikali na binafsi yanatarajiwa kushiriki ni zaidi ya 500, katika maonyesho hayo watoto wadogo wataruhusiwa kuingia bure huku wazazi ama walezi walioambatana nao wakilipia kiingilio cha shilingi 1,000 kwa mtu mmoja.

Mkuu wa Idara ya Kilimo wa Halmashauri ya Manispaa ya Morogoro Michael Waluse alisema kuwa kuna umuhimu wa wakulima kuweza kutumia teknolijia ya umwagiliaji kwa njia ya matone ya maji ili kuweza kutunza na kuhifadhi maji kwa ajili ya matumizi mengine ya kibinadamu, hivyo kuweza kuokoa gharama kwa mkulima.

Maonyesho ya wakulima, wafugaji na wavuvi Nanenane nchini yalisimama kufanyika kwa mwaka jana wa 2021 kutokana na serikali kufanya tathimini ya maonyesho hayo ambayo kwa sasa yanasimamiwa na Serikali.