VYAMA VYA USHIRIKA VYATAKIWA KUJISAJILI KWENYE MFUMO WA HUDUMA ZA FEDHA

MKUU WA MKOA WA MOROGORO MARTINE SHIGELA AKIZUNGUMZA NA VIONGOZI WA VYAMA VYA USHIRIKA(HAWAPO PICHANI) MOROGORO WAKATI WA UZINDUZI WA WA JUKWAA LA KWANZA LA USHIRIKA MKOANI MOROGORO.

VYAMA VYA USHIRIKA VYATAKIWA KUJISAJILI KWENYE MFUMO WA HUDUMA ZA FEDHA

Na Lilian Lucas,Morogoro.

Vikundi vya Ushirika vinavyojihusisha kuweka akiba na kukopeshana Vimetahadharishwa na kutakiwa kusajili vyama vyao kwenye mfumo kwa mujibu wa sheria ndogo ya huduma za fedha namba 10 ya mwaka 2018 ili kuendesha shughuli zao kwa weledi.

Aidha, wameelezwa kuwa bila kufanya hivyo vitakuwa kwenye hatari ya kukamatwa kwa makosa ya utakatishaji fedha au uhujumu uchumi.

Mkuu wa Mkoa wa Morogoro, Martine Shighela, alisema hayo wakati akizindua jukwaa la kwanza la ushirika kwa mkoani hapa lililohusisha wanaushirika wawakilishi kutoka vyama mbalimbali vya ushirika ikiwemo ushirika wa mazao, ushirika wa kuweka na kukopa, ushirika wa viwanda, walaji, ufugaji, miradi ya pamoja, huduma na wengine.

Shigela alisema kumekuwa na vyama vingi vya ushirika lakini havifuati sheria, kanuni wala taratibu na pindi vinapopata tatizo kusaidia inakuwa shida.

“Uwepo wa ushirika wenye kufuta sheria serikali kunasaidia kupata mikopo na mitaji kwa urahisi kutoka kwenye taasisi na asasi za kifedha,”alisema mkuu huyo wa mkoa.

Pia, Shigela alionyesha masikitiko kwa namna vyama vya ushirika vinavyotambuliwa kutokuwa na maghala ya kuhifadhi mazao ya wakulima na yote yaliyopo ni ya watu binafsi, hivyo aliwataka warajisi wa vyama vya ushirika wa wilaya na mkoa kuanza safari ya kuhakikisha vyama vya msingi hasa vya mazao kunaanza mchakato wa kujenga maghara.

VIONGOZI WA VYAMA VYA USHIRIKA MKOANI MOROGORO WAKIMSIKILIZA MKUU WA  MKOA WA MOROGORO MARTINE SHIGELA(HAYUPO PICHANI) WAKATI WA UZINDUZI WA JUKWAA LA KWANZA LA USHIRIKA.

Alisema, kukiwa na maghara kutakuwa na uhakika wa vyama kuwa na takwimu sahihi juu ya uzalishaji katika vijiji na wilaya, kupata wanunuzi wengi na wa uhakikia, wananchi watapunguza upotevu wa mazao wanayovuna, kwani wengu upoteza mazao yao kutokana na kutokuwa na kukosa maeneo ya kuhifadhi wengi wanahifahdi nje na pale panapotokea mabadiliko ya tabia nchi baadhi ya mazao upotea kutokana na Mvua zinazonyesha.

“Tuangalie vyama viko maeneo gani, vinafanya shughuli gani, vina wanachama kiasi gani, na je vinapotaka kuwasaidia wakulima kwenye masoko vinatumia utaratibu gani na vinahifadhi sehemu moja ama kwa kutumia maghara ya watu binafsi ama wanunuzi wanashindanishwaje,”alielekeza.

Mwenyekiti wa jukwaa la ushirika mkoa wa morogoro, Iddi Bilali,alisema hadi sasa jumla ya vyama 60 vimeomba leseni kwenye mfumo na kati yake 21 vimeshapata huku 39 vikisubiri mchakato toka tume ya maendeleo ya ushirika.

Bilali, alibainisha changamoto zilizopo katika ushirika kuwa ni makato toka kwa waajiri, mchakato wa upatikanaji wa leseni ambayo uchukua muda mrefu, pamoja na kodi ya mapato, kodi ya shikizo na kodi ya ardhi.

Mkuu wa Wilaya ya Morogoro Albert Msando akatahadharisha viongozi na kuwataka wanaushirika kuheshimu sheria na kuondokana na ubadhirifu kwenye maeneo yao ya kazi.

Naye, Mrajisi msaidizi wa vyama vya ushirika Mkoa wa Morogoro, Kenneth Shemdoe licha ya kubainisha ukosefu wa mfumo mzuri na wa uhakika wa uuzaji mazao, alieleza namna ofisi hiyo ilivyofanikisha utatuzi wa migogoro ambayo mingi alisema ni ya kurithi kutokana na awali vyama vingi kuendeshwa kinyume na sheria.

Aidha, alisema pamoja na mkoa kuwa na vyama vya ushirika vya mazao zaidi ya 239, migogoro iliyotatuliwa ni 50 na wameendelela kutoa elimu ya ushirika, akiba na kukopa kwa vyama nia ikiwa ni kuendelea kupunguza migororo hiyo.