UNESCO yatoa tathmini ya COVID-19 Sekta ya Elimu duniani

 

UNESCO yatoa tathmini ya COVID-19 Sekta ya Elimu duniani

 

Peter Mgumia

SHIRIKA la Umoja wa Mataifa la elimu (UNESCO) limebainisha kuwa zaidi ya wanafunzi milioni 800 ambao ni nusu ya wanafunzi wote duniani bado wanakabiliwa na changamoto kubwa ya kufurugwa kwa ratiba ya masomo yao tangu kuzuka kwa janga la covid 19.

Kwa mujibu wa ripoti ya Elimu kutoka Shirika hilo ikiwa ni sehemu ya tathmini ya athari ya covid duniani imabainisha ya kuwa wanafunzi kote duniani wamefurugwa kwa elimu yaoikiwa ni theluthi 2 ya mwaka wa masomo imepotea sababu ya covid 19.

“Wanafunzi milioni 800 ambao ni zaidi ya nusu ya wanafunzi wote duniani bado wanakabiliwa changamoto kubwa ya kuvurugwa kwa elimu yao, kuanzia kufungwa kwa shule katika nchi 31 hadi kupunguzwa au kusoma kwa muda mfupi katika nchi zingine 48.”ilieleza sehemu ya taarifa hiyo mpya ya UNESCO iliyotolewa hivi karibuni.

Wakati hayo yakijiri duniani,hapa nchini wananchi wametakiwa kuchukua tahadhali kwa kuzingatia miongozo kutoka wizara ya afya na maelekezo mengine ya kiserikali hali ambao imepokelewa kwa mwitikio mkubwa kwa wananchi walio wengi kuvaa barakoa zinazozalishwa na wajasiriamali wadogowadogo hususan mafundi cherahani.

Aidha,Wananchi wa Manispaa ya Morogoro wameitikia wito wa serikali kwa kujali afya zao kwa kuweka ndogo za kutakasa mikono kwa maji tiririka ikiwa ni mkakati wa kukabiliana na magonjwa ya mlipuko

Adili Omar ni miongoni mwa wakazi wa manispaa ya Morogoro ameishukuru serikali kuendelea kuwahamasisha wananchi kutokuwa na hofu na badala yake kuzingatia kanuni za afya ili jamii iendelee ya kitanzania iendelee kuwa salama na kuchapa kazi.