WAFANYABIASHARA NDOGONDOGO KIBAHA WAKUBALI KUHAMIA ‘MAKAZI MAPYA’

MKUU WA MKOA WA PWANI,MHANDISI EVARISTI NDIKILO AKISISITIZA JAMBOKWA WAFANYABIASHARA NDOGONDOGO,WILAYANI KIBAHA-PWANI.

WAFANYABIASHARA NDOGONDOGO KIBAHA WAKUBALI KUHAMIA ‘MAKAZI MAPYA’

NA VICTOR MASANGU, KIBAHA

MKUU wa Mkoa wa Pwani, Mhandisi  Evaristi Ndikilo amelazimika kuingilia kati sakata la mgogoro wa siku nyingi, lililokuwa linawakabili wafanyabiashara wadogo wadogo wa soko la Picha ya ndege Wilayani Kibaha waliogoma  kuondoka kupitisha mradi wa upanuzi wa barabara kuu ya Morogoro

Ndikilo amewataka wafanyabisha wote wa picha ya ndege kuhama mara moja na kwenda katika eneo maalumu ambalo limetengwa na serikali kwa ajili ya kuendeshe shughuli mbalimbali za biashara kauli hiyo imekuja baada ya kuwepo kwa hali ya sintofahamu na kuamua kwenda kusuluhisha jambo hilo akiwa ameambatana na kamati ya ulinzi na usalama.

Aidha Mkuu huyo aliongeza kuwa eneo hilo ambalo hapo awali walikuwa wafanyabiashara  wanafanyia shughuli zao lipo katika eneo la hifadhi ya barabara ya morogoro hivyo ni hatarishi sana kwa usalama wa maisha yao ukizingatia na magari mbali mbali yanapita karibu na eneo hilo.

“Kitu kikubwa ambacho leo nimekuja na kamati yangu ya ulinzi na usalama ni kwa ajili ya kuweza kujionea hali halisi pamoja na kujiridhishwa maana kumekuwepo na mambo mengi sana ambayo yamekuwa yakisemwa na wafanyabishara hawa lakini nilishatuma timu yangu na imeniletea majibu kwa hivyo kitu kikubwa ni kuwaeleza kuwa eneo hilo lipo katika hifadhi ya barabara na ni hatarishi sana kwa maisha yetu” Alihadharisha.

Ndikilo alisema kwamba, serikali ya awamu ya tano lengo lake kubwa ni kuhakikisha kwamba inawawekea mazingira rafiri ya kufanyia kazi wajasiriamali wote bila ya kuwabagua na sio kwa nia ya kuwaonea na kwamba eneo jipya ambalo limetengwa kwa ajili ya soko litakuwa la kudumu, lengo wafanyabishara waweze kufanya kazi zao bila kusumbuliwa.

Kadhalika, ndikilo aliwaonya baadhi ya wafanyabiashara ambao bado wanafanya shughuli zao katika maeneo ya vichochoroni ambayo sio rasmi na kuwataka wote kuhakikisha wanahamia katika soko hilo jipya ambalo litakuwa na miundombinu rafiki ambayo itaweza kuwafanya kuendesha shughuli zao mbali mbali bila matatizo yoyote.

Aliziagiza, mamlaka mbalimbali zinazohusika ikiwemo Dawasa, Tanesco pamoja na Tanrods, kuhakikisha kwamba wanapeleka huduma katika eneo hilo la soko ikiwemo suala la upatikanaji wa maji safi na salama, kuwepo kwa nishati ya umeme kwa bei ambayo ni rafiki kutokana na eneo hilo la ni muhimu kwa wafanyabiashara.

Kwa Upande wake, Diwani wa kata ya picha ya ndege ambaye pia ni Mwenyekiti wa halmashauri ya mji Kibaha, ameiomba serikali kuhakikisha inawaboreshea huduma ya miundombinu ya barabara na choo,na  uwepo wa stendi, maji pamoja na umeme ili wafanyabiashara hao waweze kuendesha shughuli zao katika mazingira ambayo ni rafiki.

Mkuu wa Mkoa wa Pwani, Mhandisi Evarist Ndikilo, (kushoto) akiwa ameambatana na Diwani wa Kata ya Picha ya Ndege, (kulia),Mussa Ndomba wakielekea katika eneo la zamani la soko la picha ya ndege wakiligagua wakati wa ziara yake ya kikazi kwa ajili kwenda kujionea eneoa la zamani pamoja na eneo jipya lililotengwa kwa ajili ya wafanyabiashara.

Kufuatia hamko na maelekezo hayo ya serikali ya Mkoa,wafanyabishara hao wamekubali kuhamia katika soko  jipya la picha ya ndege licha ya kuwepo kwa changamoto mbalimbali ambazo zinawakabili katika utekelezaji wa majukumu yao ya kujipatia kipato zikiwemo huduma ya choo pamoja na baadhi yao kuuzia bidhaa zao katika maeneo ya vichochoroni,hata hivyo wamempongeza Mkuu wa Mkoa wa Pwani kwa jitihada zake za kusimamia maendeleo katika mkoa wa Pwani.