HALMASHAURI KISARAWE YATENGA BIL.39.8 MIRADI YA MAENDELEO

MKURUGENZI MTENDAJI,HALMASHAURI YA WILAYA YA KISARAWE,MUSSA GAMA

HALMASHAURI KISARAWE YATENGA BIL.39.8 MIRADI YA MAENDELEO

NA VICTOR MASANGU, KISARAWE

BARAZA la madiwani katika  Halmashauri ya Wilaya ya Kisarawe mkoani Pwani limeazimia kwa pamoja kupitisha bajeti ya  kiasi cha shillingi  bilioni 39.8   kwa ajili ya utekelezaji wa mpango wake wa matumizi katika sekta mbalimbali ikiwemo miradi ya maendeleo  kwa kipindi cha mwaka 2021 na 2022.

Akitoa taarifa hiyo,  Mkurugenzi mtendaji wa halmashauri ya Wilaya ya Kisarawe, Mussa Gama wakati wa kikao cha baraza hilo kwa ajili ya kujadili mapendekezo ya mpango na bajeti  hiyo kilichohidhuriwa na viongozi mbali mbali wa serikali, Taasisi za umma, wakuu wa idara  pamoja na wakuu wa vitengo kutoka mashirika ya umma ambao walialikwa lengo la kutoa elimu kwa madiwani hao.

Kwa upande wake, Mkuu wa Wilaya ya Kisarawe,  Jokate Mwegele amewaasa madiwani kuendelea kushikamana na kufanya kazi kwa bidii  na weledi ikiwemo kusikiliza changamoto zinazowakabili wananchi na kuitifatua ufumbuzi lengo ikiwa ni kuleta mabadiliko chanya ya kimaendeleo katika sekta mbali mbali.

Pia,Jokate alisema kwamba serikali ya Wilaya ya Kisarawe, itaendelea kutoa ushirikiano wa kutosha kwa madiwani wote  na watendaji bila ubaguzi wowote  kwa lengo la kuweza kuwaletea wananchi maendeleo katika nyaja  bali mbali za maji,  umeme afya,  na mambo mengine ya msingi kwa kuzingiatia miongozo,taratibu  na sheria zote zilizowekwa za nchi.

Naye, Mwenyekti wa Chama Cha Mapinduzi (CCM) Wilaya ya Kisarawe, Halfan Sika amelipongeza baraza hilo la madiwani kwa kuweza kushikamana kwa pamoja na kupitisha bajeti hiyo ambayo inakwenda kutatua au kupunguza  kero na shida mbalimbali za wananchi wa maeneo mbalimbali ya Kisarawe.

Sika aliongeza kuwa, lengo kubwa la serikali ya awamu ya tano ni kuhakikisha kwamba inaleta maendeleo kwa wananchi wake  kwa kuzingatia utakelezaji wa ilani ya chama katika yale  mambo mbalimbali ambayo yameahidiwa ili yaweze kufanyiwa kazi na kuleta mabadiliko katika Nyanja mbalimbali.

“Mimi niwapongeza madiwani wote ambao kwa kweli mmeweza kufanya kazi kwa bidii katika kuiandaa bajeti hii na kitu kikubwa ambacho tunapaswa kukifanya ni kuhakikisha tunaweka mipango yetu vizuri ya kuweza kuwatumikia wananchi wetu ikiwemo kuwatatulia changamoto mbalimbali ambazo zinawakabili na kuzitafutia majawabu  kwa hivyo nina imani kupita kwa bajeti hii ni moja kati ya hatua katika maendeleo kwa wanachi wa Kisarawe.”alifafanua Sika.

Nao, baadhi ya madiwani wa baraza hilo akiwemo  Adamu  Nimba na Mhandisi Mohamed  Kilumbi, wameoumba uongozi wa halmashauri hiyo ya Kisarawe licha ya kupisha bajeti hiyo lakini waongeze ubunifu zaidi katika suala zima la ukusanyaji wa mapato kwa kuwa ni vyanzo vingine vipya ambayo vitaweza kuisaidia kuinua kiwango cha mapato.

“Sisi kama baraza  la madiwani hii bajeti tumeipitisha lakini kitu kikubwa ni lazima kujipanga zaidi na kuwatumia wataalamu wetu wa Kisarawe ambao wataweza kuzidisha kazi zaidi katika suala zima la ukusanyaji wa mapato ya ndani kwa kupitia njia mbalimbali za kubuni vyavyo vipya vya  muda mrefu katika ukusanyaji wa mapato hayo,”alisisitiza Adamu.

Kadhalika, Diwani huyo katika hatua nyingine, alifafanua kwamba  vyanzo vya mkaa na kuni ambavyo navyo vinatumika katika ukusanyaji mzima wa kuingiza kipato lakini vitafikia wakati vitakwisha hivyo kunapaswa kuwekwa mpango endelevu ambao utasaidia katika siku za usoni kupata suala la upatikanaji wa  kuingiza mapato.

Halmashauri ya Wilaya ya Kisarawe ni miongozi mwa halmashauri tisa zilizopo katika Mkoa wa Pwani ilianzishwa  mwezi  Agosti mwaka 1962,ambapo kwa mwaka huu upitishwaji wa bajeti hiyo itaweza kwenda kuleta mabadiliko chanya ya kimaendeleo na kupunguza changamoto  za ukosefu wa huduma mbalimbali ambazo zimekuwa zikiwakabiliwa wananchi  katika maeneo yao.