SHIRIKA LA SWISSCONTACT YATOA FURSA KWA WAKAZI WA MOROGORO

MAAFISA WA SHIRIKA LA SWISSCONTACT WAKIWA KATIKA PICHA YA PAMOJA NA MWENYEKITI WA CHAMA CHA WAANDISHI WA HABARI(MOROPC),NICKSON MKILANYA (KULIA)

SHIRIKA LA SWISSCONTACT YATOA FURSA KWA WAKAZI WA MOROGORO

Na Mwandishi wetu

WADAU wa Maendeleo,Shirika la Maendeleo la kimataifa,Swisscontact wanatarajia kutoa fursa kwa wakazi wa Mkoa wa Morogoro kunufaika na mradi ikiwa ni mkakati wa kuwajengea uwezo vijana kujiajiri.

Shirika la Swisscontact lililopo mjini Morogoro wamekuwa wakitumia njia shirikishi katika utekelezaji wa program zake mbalimbali wakilenga kushirikiana na serikali na wadau wengine kukabiliwa na changamoto kubwa za maendeleo katika masuala ya kuchumi na ukosefu wa ajira na elimu kwa vijana.

Nickson Mkilanya ni Mwenyekiti wa Chama cha Waandishi wa Habari Mkoa wa Morogoro(MOROPC) ametoa maelezo mara baada ya kukutana na wadau hao wa maendeleo Januari 11,mwaka huu na kufafanua ya kuwa wanufaika na mradi inayotekelezwa na Shirika la Swisscontact ni vijana wenye umri wa miaka kati ya 15 na 24.

NICKSON MKILANYA KUSHOTO AKIONGEA NA MAAFISA WA SHIRIKA LA SWISSCONTACT

“Twaweza kuiita ni neema kwa mkoa wa Morogoro baada ya Shirika la Maendeleo la kimataifa la Swisscontact kuupa mkoa wa Morogoro nafasi ya kuwa kati ya mikoa michache itakayonufaika na uwepo wake nchini Tanzania katika utekelezaji wa mradi ya aina hiyo.”Alisema Mkilanya.

Mkilanya alisema kuwa mradi utakayowanufaisha vijana ni pamoja na uwezeshaji na uafutaji wa soko la ajira kwa vijana wenye umri kati ya miaka 15 na 24,sanjari na  kuwajengea uwezo zaidi wa ufundishaji kwa walimu wa vyuo vya  maendeleo (FDC).

Baadhi ya vyuo vya maendeleo (FDC) vilivyopo Mkoa wa Morogoro ni pamoja na Bigwa,Kilosa na Ifakara huku mikoa mingine itakayonufaika na miradi hiyo ni Mkoa wa Iringa na Mbeya ambapo mradi wa aina hiyo utazinduliwa hivi karibuni pia utatekelezwa katika vipindi vya miaka minne minne.